TASQYNNAN ZARDAP ShEKKENDERDIŃ NESIESI ShEGERILEDI

Qarjy naryǵyn retteý jáne damytý agenttigi banktermen jáne mıkroqarjy uıymdarymen birlesip, shaǵyn jáne orta bıznes sýbektilerin qoldaý tetikterin iske asyrýǵa kiristi. Agenttik ókili Qaırat Turymtaevtyń aıtýynsha, nesıeni tóleý avtomatty túrde 1 sáýirden 30 maýsymǵa deıin shegerildi. Zardap shekken árbir qaryz alýshynyń jaǵdaıyna jeke taldaý júrgizedi. Osylaısha kredıtter boıynsha derbes qoldaý kórsetýdiń qosymsha sharalary aıqyndalady.

Bul da – Memleket basshysynyń qarǵyn sýdan zardap shekkenderge kómek kórsetý týraly tapsyrmasy sheńberinde qolǵa alynǵan shara. Qaırat Turymtaev, QR QNRDA Qarjy qyzmetterin tutynýshylardyń quqyqtaryn qorǵaý departamenti dırektorynyń orynbasary: — Zardap shekken azamattardyń kredıtteri boıynsha sý tasqyny saldarynyń yqpalyna baılanysty týyndaǵan tólemderdiń keshiktirilgeni úshin aıyppuldar men ósimpuldar keıinge qalady.

Zardap shekken barlyq dara kásipkerlerge, sondaı-aq sý tasqyny sharýashylyq qyzmettiń buzylýyna ákep soqqan shaǵyn jáne orta bıznes sýbektileriniń bergen ótinishteri eskerile otyryp, kredıtter boıynsha tólemderdi keıinge qaldyrý múmkindigi beriletin bolady.