Jańalyqtar
TASQYNNAN ZARDAP ShEKKENDERGE О́TEMAQY TО́LEÝ JAIY TALQYLANDY
![](https://qandastar.kz/wp-content/uploads/2024/04/IMG_5411-1-750x405.webp)
Sý tasqynyna qarsy is-qımyl jónindegi shtabta zardap shekkenderge joǵalǵan jáne búlingen múlik boıynsha, ótemaqy tóleý tetigi talqylandy.
Premer-Mınıstrdiń orynbasary Qanat Bozymbaev jaýapty mınıstrlikterge, eki kúnde birinshi qajettiliktegi múlik úshin zalaldy óteý algorıtmin ázirleýdi tapsyrdy. Mundaı múliktiń tizimine: tamaq saqtaýǵa jáne daıyndaýǵa arnalǵan zattar, tamaq ishýge, uıyqtaýǵa arnalǵan jıhaz dúnıeleri, azamattardy aqparattandyrý men sýmen jabdyqtaý jáne jylytý quraldary kiredi. Bul ótemaqyny jergilikti atqarýshy organdar, bıýdjet jáne bıýdjetten tys qarajattan qarastyrady. Qanat Bozymbaevtyń tapsyrmasy boıynsha eki kún ishinde, tasqyn sýdan zardap shekken egistik jer ıeleri men aýyl sharýashylyǵy taýaryn óndirýshilerge qarjylyq kómek kórsetý algorıtmi ázirlenedi.