تاسقىننان جينالعان سۋ قايدا جىبەرىلىپ جاتىر? – مينيسترلىك جاۋاپ بەردى

سۋ رەسۋرستارى جانە يرريگاتسيا مينيسترلىگىنىڭ رەسمي وكىلى ءمولدىر ابدۋاليەۆا قازاقستاننىڭ سۋ قويمالارىنا مول سۋ جينالعانىن ايتتى,-دەپ حابارلايدى Qandastar.kz

جالپى العاندا, قازاقستاننىڭ سۋ قويمالارىندا 75 ملرد تەكشە مەتر سۋ جينالدى. بۇل وتكەن جىلمەن سالىستىرعاندا 15 ميلليارد تەكشە مەترگە ارتىق. سالىستىرۋ ءۇشىن: بىلتىر ەلىمىزدىڭ اۋىلشارۋاشىلىعى سالاسىنا 14 ملرد تەكشە مەتر سۋ جۇمسالدى. ال 2023 جىلدىڭ قورىتىندىسى بويىنشا رەسپۋبليكانىڭ جالپى پايدالانعان سۋ كولەمى 24,4 ملرد تەكشە مەتر, – سپيكەر وكق-دا وتكەن ءباسپاسوز ءماسليحاتىندا.

ونىڭ سوزىنشە, سۋ قويمالارىندا جينالعان سۋدىڭ 12 ملرد-تان استامى تاسقىن سۋى, بۇل وتكەن جىلدىڭ كورسەتكىشىنەن 2,5 ەسە كوپ.

12,4 ملرد تەكشە مەتر تاسقىن سۋى ەلىمىزدەگى كولدەرگە, ليماندارعا جانە تابيعي شابىندىقتارعا جىبەرىلدى. اتاپ ايتقاندا, ليماندارعا 1,2 ملرد, كولدەرگە 4,5 ملرد, سۋارمالى شابىندىقتارعا 6,7 ملرد تەكشە مەتر سۋ جىبەرىلدى. سۋ تاسقىنى كەزىندە بالقاش كولىنە 3,3 ملرد تەكشە مەتر, ال كاسپي تەڭىزىنە شامامەن 6 ملرد تەكشە مەتر سۋ جىبەرىلدى. 80 ملن تەكشە مەتر تاسقىن سۋى بقو قامىس-سامار كولدەرىنە جىبەرىلدى, بۇل كولدەرگە شامامەن 20 جىل بويى سۋ بارماعان, – دەدى ءمولدىر ابدۋاليەۆا.