«تاۋنحاۋس سالامىز»: بقو-دا جالعان قۇرىلىسشىلار باس بوستاندىعىنان ايىرىلدى

فوتو: اشىق دەرەككوز

ورال قالاسى پروكۋراتۋراسى مەملەكەتتىك ايىپتاۋشىسىنىڭ تاباندى ۇستانىمىمەن ەكى ايىپتالۋشىنىڭ الاياقتىق ارەكەتتەرىن دالەلدەدى, دەپ حابارلادى qandastar.kz.

سوتتا ايىپتالۋشىلار جابىرلەنۋشىلەرمەن ازاماتتىق-قۇقىقتىق قارىم-قاتىناستىڭ بار ەكەنىن العا تارتىپ, كىناسىن مويىندامادى. الايدا سوت ايىپتالۋشىلاردى كىنالى دەپ تاۋىپ, 6 جانە 7 جىلعا باس بوستاندىعىنان ايىردى.

وسىلايشا, جالعان قۇرىلىس سالۋشىلار ءوز مىندەتتەمەلەرىن ورىنداعىسى كەلمەي, ازاماتتاردان اقشا الۋ ءۇشىن الدامشى سحەمالاردى قولدانعان.

قىلمىستىق ماقساتقا جەتۋ ءۇشىن ولار الەۋمەتتىك جەلىلەردە, سونداي-اق ءارتۇرلى ينتەرنەت-جارناما پلاتفورمالارىندا تاۋنحاۋستار سالۋدى ۇسىناتىن اقپاراتتى ورنالاستىرعان.

كاسىپكەرلىك قىزمەتتىڭ كورىنىسىن جاساي وتىرىپ, سوتتالۋشىلاردا جەر تەلىمدەرى جوق بولا تۇرا تۇتىنۋشىلاردان قاراجات الىپ, كەيىننەن سەنىم بىلدىرگەن ازاماتتارعا قۇرىلىس كەلىسىمشارتىنىڭ ورىندالۋىنا سەندىردى. قاراجاتتى العان قۇرىلىس سالۋشىلار كەلىسىم-شارتتا بەلگىلەنگەن مەرزىمدە تۇرعىن ءۇي سالۋعا ۋادە بەرىپ, بىراق ءىس جۇزىندە ول ۇزاق ۋاقىت بويى ورىندالماي, جاڭىلىستىرۋدى جالعاستىردى.

الايدا تۇرعىن ءۇي قۇرىلىسى باستالماي, 32 جابىرلەنۋشىگە 490 888 000 تەڭگە كولەمىندە شىعىن كەلتىرىلدى, ول سوت ۇكىمىمەن جابىرلەنۋشىلەردىڭ پايداسىنا تولىق كولەمدە ءوندىرىلدى.

اعىمداعى جىلى ەلىمىزدە تۇرعىن ءۇي ساتىپ الۋ كەزىندە قولايلى جاعدايلاردى ۋادە ەتىپ, ءوز مىندەتتەمەلەرىن ورىنداماي, ازاماتتاردى جاڭىلىستىراتىن قۇرىلىس سالۋشىلاردىڭ جوسىقسىز ارەكەتتەرىنىڭ كوبەيۋى بايقالدى.

مۇنداي ارەكەتتەر تۇتىنۋشىلاردىڭ قۇقىقتارىن بۇزىپ قانا قويماي, ەكونوميكاعا ايتارلىقتاي زيان كەلتىرەدى.

قازاقستان رەسپۋبليكاسى قىلمىستىق كودەكسىنىڭ 190-بابىنا سايكەس, الاياقتىق, ونىڭ ىشىندە جىلجىمايتىن م ۇلىك سالاسىندا قىلمىستىق قۇقىق بۇزۋشىلىق بولىپ تابىلادى. باتىس قازاقستان وبلىسىنىڭ پروكۋراتۋراسى ازاماتتاردى قىراعى بولۋعا, قۇرىلىس سالۋشىلاردىڭ ىسكەرلىك بەدەلىن مۇقيات تەكسەرۋگە جانە كەز كەلگەن كۇدىكتى ارەكەتتەر تۋرالى حابارلاۋعا شاقىرادى.