«Taýnhaýs salamyz»: BQO-da jalǵan qurylysshylar bas bostandyǵynan aıyryldy

Foto: ashyq derekkóz

Oral qalasy prokýratýrasy memlekettik aıyptaýshysynyń tabandy ustanymymen eki aıyptalýshynyń alaıaqtyq áreketterin dáleldedi, dep habarlady qandastar.kz.

Sotta aıyptalýshylar jábirlenýshilermen azamattyq-quqyqtyq qarym-qatynastyń bar ekenin alǵa tartyp, kinásin moıyndamady. Alaıda sot aıyptalýshylardy kináli dep taýyp, 6 jáne 7 jylǵa bas bostandyǵynan aıyrdy.

Osylaısha, jalǵan qurylys salýshylar óz mindettemelerin oryndaǵysy kelmeı, azamattardan aqsha alý úshin aldamshy shemalardy qoldanǵan.

Qylmystyq maqsatqa jetý úshin olar áleýmettik jelilerde, sondaı-aq ártúrli ınternet-jarnama platformalarynda taýnhaýstar salýdy usynatyn aqparatty ornalastyrǵan.

Kásipkerlik qyzmettiń kórinisin jasaı otyryp, sottalýshylarda jer telimderi joq bola tura tutynýshylardan qarajat alyp, keıinnen senim bildirgen azamattarǵa qurylys kelisimshartynyń oryndalýyna sendirdi. Qarajatty alǵan qurylys salýshylar kelisim-shartta belgilengen merzimde turǵyn úı salýǵa ýáde berip, biraq is júzinde ol uzaq ýaqyt boıy oryndalmaı, jańylystyrýdy jalǵastyrdy.

Alaıda turǵyn úı qurylysy bastalmaı, 32 jábirlenýshige 490 888 000 teńge kóleminde shyǵyn keltirildi, ol sot úkimimen jábirlenýshilerdiń paıdasyna tolyq kólemde óndirildi.

Aǵymdaǵy jyly elimizde turǵyn úı satyp alý kezinde qolaıly jaǵdaılardy ýáde etip, óz mindettemelerin oryndamaı, azamattardy jańylystyratyn qurylys salýshylardyń josyqsyz áreketteriniń kóbeıýi baıqaldy.

Mundaı áreketter tutynýshylardyń quqyqtaryn buzyp qana qoımaı, ekonomıkaǵa aıtarlyqtaı zııan keltiredi.

Qazaqstan Respýblıkasy Qylmystyq kodeksiniń 190-babyna sáıkes, alaıaqtyq, onyń ishinde jyljymaıtyn múlik salasynda qylmystyq quqyq buzýshylyq bolyp tabylady. Batys Qazaqstan oblysynyń prokýratýrasy azamattardy qyraǵy bolýǵa, qurylys salýshylardyń iskerlik bedelin muqııat tekserýge jáne kez kelgen kúdikti áreketter týraly habarlaýǵa shaqyrady.