«تاياققا ءىش كيىمىن وراپ تىققان»: ەكى ايەل نە سەبەپتى 16 جاستاعى قىزعا قورلىق كورسەتتى?

الماتى وبلىسىندا ەكى ايەل 16 جاستاعى قىزدى ۇرلاپ قورلىق كورسەتتى. ايەلدەردىڭ بىرەۋىنىڭ اكىمدىكتە ىستەيتىنى بەلگىلى بولدى, دەپ جازدى qandastar.kz

قىزدىڭ اناسى Orda.kz تىلشىسىنە سۇحبات بەرىپ ءمان-جايدى ايتىپ بەردى.

اناسىنىڭ ايتۋى بويىنشا وقيعا ءبىر جىگىت ءۇشىن باستالعان ەكەن. كۇدىكتىنىڭ جىگىتى 16 جاستاعى قىزعا جازعانى ءۇشىن قىزعانىشتان قورلىق جاساعان.

«مەنىڭ ەكى بالام بار ءبىرى 16-دا, ەكىنشىسى 13-تە. 16 جاستاعى قورلىق كورگەن قىزىم مەنىڭ اتا-انامنىڭ, ياعني, ناعاشى اتا-اجەسىنىڭ قولىندا. شەلەك اۋىلىندا. 15 تامىز كۇنى قىزىما ءبىر جىگىت الەۋمەتتىك جەلى ارقىلى حات جازىپ تانىسادى. ارادا ۋاقىت وتكەن سوڭ قىزىمنىڭ WhatsApp جەلىسىنە ءبىر ايەل جازىپ: «جىگىتىممەن سويلەسپە» دەپ حات جولدايدى. قىزىم «جارايدى» دەپ جازعان جىگىتتى بلوكتاپ تاستايدى. ەرتەسى 16 تامىز كۇنى قىزىما ايەل قايتا جازىپ كەزدەسەيىك دەيدى. قىزىم ارام ويسىز كەزدەسۋگە كەلىسەدى», — دەدى اناسى.

اناسىنىڭ ايتۋىنشا كۇدىكتىلەر شەلەك اۋىلىنا كەلىپ قىزدى كولىككە وتىرعىزىپ, ەسىكتى ق ۇلىپتاپ, بالاعاتتاپ ۇرا باستاعان. ەكى كۇدىكتى ءار ارەكەتىن بەينەجازباعا ءتۇسىرىپ وتىرعان.

«ول از بولعانداي قىزىمدى وزدەرىنىڭ ماساق دەگەن اۋىلىنا اپارىپ اعىن سۋعا باتىرىپ, اياقتارىن سۇيگىزىپ مازاق ەتكەن. تەرگەۋ كەزىندە بۇل بەينەجازبالاردىڭ بارلىعىن كوردىم. سۋعا بەس-التى رەت باتىرعان. قىزىمنىڭ قورىققانى سونشالىق اياعىن قۇشاقتاپ ءسۇيىپ تۇر. ەڭ سوراقىسى قىزىمنىڭ جىنىس مۇشەسىنە تاياق تىققان. تاياقتىڭ باسىنا قىزىمنىڭ ءىش كيىمىن بايلاعان», — دەدى اناسى.

قورلىق كورگەن قىزدىڭ اناسىنىڭ ايتۋىنشا ءبىر اۋىلدان ەكىنشى اۋىلعا بارار جولدا كۇدىكتىلەر ءتىس تازالاعىش ساتىپ العان. ونىڭ ايتۋىنشا ولار ءتىس تازالاعىشپەن زورلاماق بولعان.

«قىزىما وسىنداي قورلىق كورسەتكەندەردىڭ بىرەۋى ودان 3 ملن تەڭگە تالاپ ەتكەن. بولعان وقيعانى اناسىنا نەمەسە دوسىڭا ايتساڭ, بارلىعىن بەينەجازباعا ءتۇسىرىپ, ونى الەۋمەتتىك جەلىگە تاراتامىز دەپ قورقىتقان. قىزىمدى كيىندىرىپ بولعان وقيعانى ەشكىمگە ايتپا دەپ ماڭدايىنان سۇيگەن», — دەدى اناسى ينديرا.

كۇدىكتىلەر قىزدىڭ ءىش كيىمىن اعىن سۋعا اعىزىپ جىبەرگەن.

«قىزىم ماعان بەينەجازبامەن جىلاپ حابارلاستى. ءوز-وزىنە قول جۇمسايتىنىن, بۇلاي ءومىر سۇرە المايتىنىن ايتتى. ەكى كۇدىكتى قىزىما حابارلاسىپ اقشا سۇراعان. كەيىن ماعان حابارلاستى ول كەزدە ولاردىڭ تەك ۇرعانىن بىلەتىنمىن. مەن ولارعا ارىز جازاتىنىمدى ايتتىم. قىزىممەن سويلەستىم. بولعان جاعدايدى ايتىپ بەردى. تاڭ قالىپ, ابدىراپ قالدىم», دەدى ينديرا.

اناسى بولعان وقيعانى ەستي سالا اۋداندىق ىشكى ىستەر بولىمىنە بەت الادى. ونىڭ ايتۋىنشا, جابىرلەنۋشى بولسا دا ارىز جازۋ وتە قيىن بولعان.

«تاڭعى توعىزدا بارعاننان تۇڭگى ۇشتە ءبىر-اق شىقتىق. ارىز قالدىرۋ ءۇشىن اۋرۋحاناعا كەيىن ەكسپەرتيزا جاساتۋ كەرەك دەدى. قىزىمنىڭ قۇربىسىنىڭ اكەسى كومەكتەسىپ ارىز جازدىق. ازىرگە ەكسپەرتيزانىڭ قورىتىندىسى شىققان جوق. ەكى كۇدىكتىنى تەز ارادا ۇستاپ قاماۋعا الدى», — دەدى ينديرا.

كۇدىكتىلەردىڭ اتا-اناسى كەلىپ كەشىرىم سۇراعان. سونىمەن قاتار ەكى كۇدىكتىنىڭ ءبىرى — 29 جاستاعى ايەلدىڭ ەكى كىشكەنتاي بالاسى بار ەكەن.

«مەن بۇل وقيعانى جاريالاماس ەدىم. ءبىر كۇنى تۋىستارىمىز اعىلىپ ۇيگە كەلە باستادى. ولار اۋىل اراسىندا تاراعان اڭگىمەدەن ەستىپتى. ءبىرى WhatsApp جەلىسىنەن بىلگەن. بۇل وقيعانى انام, قىزىم ۇشەۋمىز عانا بىلەتىن ەدىك. وسىدان كەيىن قۇزىرلى مەكەمەلەرگە سەنىم قالمادى. وسىلاي باق الدىنا شىعۋعا بەل بۋدىق», — دەدى اناسى.

جابىرلەنۋشى قىزدىڭ اناسى اقپاراتتى جاريالاعان قۇزىرلى مەكەمەگە ءىس قوزعاۋدى تالاپ ەتىپ وتىر.

قىزدىڭ اتا-اناسى ون ءۇش جىل وتاۋ قۇرىپ اجىراسقان ەكەن. اۋىلدىق جەردە جۇمىس بولماعاندىقتان اناسى الماتىدا جۇمىس ىستەۋگە ءماجبۇر. ال اناسى قىزدىڭ اكەسىنىڭ بۇل وقيعاعا ارالاسپاق تۇگىلى ەستىگىسى كەلمەگەنىن ايتتى.

قازىرگى تاڭدا قىزعا پسيحولوگيالىق كومەك كورسەتىلىپ جاتىر. 16 جاستاعى قىز بيىل ۋنيۆەرسيتەت قابىرعاسىندا وقۋى كەرەك بولعان. بىراق العان پسيحولوگيالىق جاراقاتىنان وقۋىن ءبىر جىلعا شەگەرىپتى. جابىرلەنۋشى تاراپ تەك ءبىر عانا باپپەن ءىس قوزعالعاندىعىنا نارازى. ءىس «كامەلەت جاسقا تولماعان بالاعا زورلىق كورسەتتى» دەپ قوزعالعان. ال اناسى اقشا تالاپ ەتكەنىن, ۇرىپ سوققانىن دا ىسكە قوسۋدى تالاپ ەتەدى.

ەسكە سالار بولساق, الماتى وبلىسىندا 16 تامىزدا 16 جاستاعى قىزدى ەكى ايەل ۇرلاپ, ازاپتاعان. كۇدىكتىلەردىڭ ءبىرى ماساق اۋىلدىق وكرۋگى اكىمى اپپاراتىندا قىزمەت ىستەگەنى انىقتالدى. ولار ءجاسوسپىرىمدى ۇرىپ-سوعىپ, تەمەكىمەن كۇيدىرىپ, وزەنگە باتىرىپ, زورلىق-زومبىلىق كورسەتكەن. بارلىق ارەكەتتەرىن بەينەجازباعا ءتۇسىرىپ, ارتىنشا بەينەجابانى تاراتامىز دەپ قورقىتىپ, 3 ميلليون تەڭگە تالاپ ەتكەن.