Taıaý Shyǵysta ahýal: Qazaqstandyqtar Dýbaıdan shuǵyl túrde elge oraldy

Foto: vıdeodan skrınshot

Taıaý Shyǵysta ahýal kúrdelengen soń, 300-den astam qazaqstandyq týrıst Dýbaıdan Almatyǵa arnaıy reıstermen jetkizildi, dep habarlaıdy Skifnews.kz aqparat portaly.

FlyDubai áýe kompanııasynyń eki ushaǵy 15 maýsymda túngi saǵat 02:45 pen 06:19-da Almaty halyqaralyq áýejaıyna qondy. Bortta barlyǵy 332 jolaýshy bolǵan. Olardyń arasynda 13 maýsymda ushýy tıis bolǵan, biraq reısi shegerilgen azamattar da bar.

Belgili bolǵandaı, aımaqta jaǵdaıdyń birden shıelenisýine baılanysty birneshe halyqaralyq tasymaldaýshy Dýbaı men Abý-Dabıden qatynaıtyn reısterdi ýaqytsha toqtatýǵa májbúr boldy.

QR Kólik mınıstrligine qarasty Azamattyq avıaııa komıteti 13 maýsymnan bastap Iran, Izraıl, Sırııa, Irak, Iordanııa jáne Lıvan aýmaǵynda jáne olardyń áýe keńistiginde ushýǵa tyıym salǵanyn habarlady.

FlyDubai reısteri qaýipsiz baǵytpen ushyp, tek kidirgen jolaýshylardy ǵana emes, josparly túrde ushýǵa tıis azamattardy da Qazaqstanǵa din aman jetkizdi.