«تازا قازاقستان». ماڭعىستاۋدا ەكولوگيالىق ناۋقان باستالدى

ماڭعىستاۋ وڭىرىندە «تازا قازاقستان» رەسپۋبليكالىق اكتسياسى اياسىندا «تازا ماڭعىستاۋ – عاجايىپ ولكە» اتتى ەكولوگيالىق ناۋقان باستالدى. 11 مامىرعا دەيىن بارلىق ەلدى مەكەندە بەس باعىت بويىنشا سەنبىلىك جۇرگىزىلەدى. اتاپ ايتساق, كولىك جولدارىنىڭ جيەگى اقتالىپ, كوشەلەر مەن شاعىن اۋدانداردا قوقىس جينالادى.

قاراقيا, ماڭعىستاۋ, تۇپقاراعان جانە مۇنايلى اۋدانىندا ورنالاسقان 30 تاريحي-مادەني ەسكەرتكىش اۋماعى اباتتاندىرىلادى. سونداي-اق 200 ءتۇپ اعاش ەگىلىپ, كاسپي جاعالاۋى قۋراعان شوپتەن تازارتىلادى. ارداگەرلەر, بالالار جانە قارتتار ءۇيىنىڭ اۋلاسىن جيناپ, بۇلاق كوزدەرىن اشۋ جوسپاردا تۇر. اسەل بالمانوۆا, وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى: — وزىڭىزگە بەلگىلى, قازىر ەۆاكۋاتسيالىق پۋنكتتەر بار. سولاردىڭ اينالاسىندا تازالىق شارالارى جۇرگىزىلەدى. اشىلماعان بۇلاقتارىمىز بار. سول بۇلاقتاردىڭ كوزىن اشۋ, تازارتۋ جۇمىستارى, جاعالاۋدى تازارتۋ. قاراكولدىڭ جاعاسىن, كاسپي تەڭىزىنىڭ جاعاسىن تازارتۋ جۇمىستارى جۇرگىزىلەدى. بۇل شارانى تولىعىمەن مەملەكەتتىك قىزمەتشىلەر قولداپ وتىر. ەكوبەلسەندىلەر دە ءوز ويلارىن قوسىپ, وسى اكتسياعا قاتىسقالى وتىر.