جاڭالىقتار
«تازا قازاقستان». ۆولونتەرلەر 30 توننا قوقىس جينادى
رەسپۋبليكالىق «تازا قازاقستان» اكتسياسىنىڭ «تازا ولكە» اپتالىعى اياسىندا تۇلكىباس اۋدانىندا تازالىق جۇمىستارى قارقىندى جۇرگىزىلۋدە. اۋدان اكىمى ن.ىزتىلەۋوۆتىڭ تاپسىرماسىنا سايكەس, ەلدى مەكەندەردەگى ارىق-اتىزدار, اۋلالار مەن كوشەلەر تازارتىلدى. قوقىس-قالدىقتاردى شىعارۋ جۇمىستارى اۋداننىڭ 15 اۋىلدىق وكرۋگىندە جۇرگىزىلىپ, اكتسياعا بەلسەندى ۆولونتەرلار مەن جاستاردان قۇرالعان جالپى سانى 450 ادام قاتىستى. تازالىق جۇمىستارى بارىسىندا 30 توننا كۇل-قوقىس شىعارىلدى. سونىمەن قاتار, جاستار اۋدان تۇرعىندارىن تازالىقتى ساقتاپ, كوشەت ەگۋ جۇمىستارىن بىرلەسە اتقارۋعا شاقىردى.
