تەگىن مەديتسينالىق قىزمەت الۋ قيىندايدى

فوتو: اشىق دەرەككوز

تەگىن مەديتسينالىق قىزمەت الۋ قيىندايدى, دەپ جازدى qandastar.kz

دەنساۋلىق ساقتاۋ مينيسترلىگى مىندەتتى الەۋمەتتىك مەديتسينالىق كومەك بەرۋ جۇيەسىنە وزگەرىستەر ەنگىزۋدى قاراستىرىپ جاتىر. قۇجات اشىق نورماتيۆتىك قۇقىقتىق اكتىلەر پورتالىنا جاريالاندى. ول قاڭتاردىڭ 5-ىنە دەيىن قوعامدىق تالقىلاۋدا بولادى. 

نە وزگەرەدى? تەگىن مەديتسينالىق كومەكتىڭ كەپىلدەندىرىلگەن پاكەتىندەگى بىرقاتار قىزمەتتەر ءمامس-كە بەرىلەدى. ياعني, جۇمىس ىستەيتىن, بىراق ساقتاندىرىلماعان ازاماتتار تەگىن ەم الا المايدى. مەملەكەت جارنانى الەۋمەتتىك وسال توپقا جاتاتىن زەينەتكەرلەر, بالالار, جۇكتى ايەلدەر, جۇمىسسىزدار, جالپى 15 ساناتقا جاتاتىندار ءۇشىن عانا اۋدارىم جاساۋدى جالعاستىرادى. 

حالىقتىڭ 11 ملن 900 مىڭى وسى توپقا ەنگەن. ال 16 ملن 900 مىڭى ساقتاندىرىلعان. پايىزعا شاققاندا 82,6 پايىزى. رەسمي جۇمىس ىستەيتىندەر اي سايىن جارنا تولەيدى, بىراق تەگىن قىزمەتتى جىلىنا ءبىر رەت الۋى مۇمكىن. مۇمكىن. بولماسا ول دا جوق. 

حالىقتىڭ نارازىلىعىن نازارعا العان ۇكىمەت, ماسەلەنى تەگىن قىزمەتتى قىسقارتۋ ارقىلى شەشپەك. بۇل جاعدايدا سالىقتان جالتارىپ جۇرگەندەرگە مۇلدە ەم جاسالمايدى.

«مىسالى ءبىر اۋرۋدىڭ ىشىندە ياعني ءبىر ادام ءبىر اۋرۋمەن كەلمەيدى عوي. بىرنەشە اۋرۋمەن كەلەدى. سول كەزدە شاتاسۋى مۇمكىن. قايسسىن ەمدەيمىن پاكەتتە, قايسسىن ەمدەمەيمىن دەپ. 

كومەكتەردىڭ اراسىن دۇرىس ءبولۋ. ءبىر ناۋقاس كەلسە ول بىرنەشە اۋرۋمەن كەلەدى عوي. دارىگەر قايسسىن ەمدەيمىن دەپ باس قاتىرماۋ كەرەك. پاكەت بولىنگەن سوڭ ول جاڭاعى تسيفرلاندىرۋدا دارىگەر قاي پاكەتكە بولەمىن دەپ باسىن اۋىرتپايدى دەگەن ماسەلە. كوبى ساقتاندىرىلعان پاكەتكە الماستىرىلادى. سول كەزدە ساقتاندىرىلعان پاكەتتىڭ كولەمى ۇلكەن بولادى. 

Atameken business تەلەگرام ارناسى جازعانداي,قازىر ول 30 پايىزدان 70 پايىزعا وسەدى. ول كوبەيگەندە قارجىلاندىرۋ دا كوبەيەدى. 70 پايىزعا ءوسىپ كەپىلدەندىرىلگەن كولەم 30 پايىز بوپ ازايادى”, – دەدى ءمامس جۇيەسىن جەتىلدىرۋ جانە تالداۋ دەپارتامەنتىنىڭ وكىلى ءلاززات شومانوۆا.