جاڭالىقتار
تەحاستا سۋ تاسقىنىنان قازا تاپقاندار سانى 82 ادامعا جەتتى
x.com/namwella1961
تەحاس بيلىگىنىڭ اقپاراتىنشا, سۋ تاسقىنى سالدارىنان قازا تاپقاندار سانى 82 ادامعا دەيىن ءوستى, دەپ حابارلايدى Qandastar.kz. سونىمەن قاتار, سەيسمولوگتار جاڭبىردىڭ قايتا جاۋى مۇمكىن ەكەنىن ەسكەرتتى.
CNN تەلەارناسىنىڭ سيۋجەتىندە اتاپ وتىلگەندەي, كەرر وكرۋگىندە قازا بولعانداردىڭ قاتارىندا كەم دەگەندە 28 بالا بار. جالپى قايتىس بولعاندار سانى ءالى دە ءوسۋى مۇمكىن, ويتكەنى شتات بويىنشا توتەنشە جاعداي قىزمەتتەرى ىزدەستىرۋ-قۇتقارۋ جانە قالپىنا كەلتىرۋ جۇمىستارىن جالعاستىرىپ جاتىر.
جەكسەنبى كەشىندەگى مالىمەتكە سايكەس, تەحاستاعى سۋ تاسقىنى سالدارىنان 50 ادام قازا تاپقان. ولاردىڭ باسىم بولىگى كەرر وكرۋگىندە انىقتالعان. سونداي-اق, ترەۆيس وكرۋگىندە – 6, بەرنەتتە – 3, كەندالل مەن ۋيليامسوندا – 2 ادامنان, ال توم-گرين وكرۋگىندە – 1 ادام قازا تاپقان.
بيلىك وكىلدەرىنىڭ مالىمەتىنشە, Camp Mystic لاگەرىنەن ون قىز بالا جانە ءبىر تالىمگەر ءالى دە ءىز-ءتۇزسىز جوعالعاندار قاتارىندا.
تەحاس شتاتىنىڭ گۋبەرناتورى گرەگ ەببوتتتىڭ ايتۋىنشا, كۇتپەگەن سۋ تاسقىندارى كەيبىر ايماقتار ءۇشىن ءالى دە قاۋىپ توندىرۋدە. جاڭا جاۋىن-شاشىن بولجانۋدا. بيلىك كەرر وكرۋگىندەگى حانت قاۋىمداستىعىنىڭ تۇرعىندارىن 7 شىلدەدە بيىك جەرلەرگە كوشۋگە شاقىردى.
