تەلەارنادا بۋكمەكەرلىك كەڭسەلەردى جارنامالاۋعا تىيىم سالىندى

فوتو: اشىق دەرەككوز

تۋريزم جانە سپورت مينيسترىلىگى جاريا ەتتى.

تۋريزم جانە سپورت مينيسترلىگى ينتەرنەتتەگى بۋكمەكەرلىك كەڭسەلەردىڭ جارناماسىنا قاتىستى شارالار قابىلدانعانى تۋرالى مالىمدەدى, دەپ حابارلادى  qandastar.kz  بۇل تۋرالى تۋريزم جانە سپورت مينيسترلىگى جاريا ەتتى.

«جارناما تۋرالى» زاڭعا سايكەس, بۋكمەكەرلىك كەڭسەلەر مەن توتاليزاتورلاردى بۇقارالىق اقپارات قۇرالدارى ارقىلى جارنامالاۋعا تىيىم سالىنعان. بۋكمەكەرلىك كەڭسەلەردىڭ جارناماسىن تەك ۋاكىلەتتى ورگاندا تىركەلگەن جانە سپورت تاقىرىبىنا ماماندانعان بۇقارالىق اقپارات قۇرالدارىندا عانا ورنالاستىرۋعا رۇقسات ەتىلەدى. سونىمەن قاتار تەلەارنالارداعى سپورت ايدارلارىندا نەمەسە باعدارلامالارىندا دا بۋكمەكەرلىك كەڭسەلەر مەن توتاليزاتورلاردى جارنامالاۋعا رۇقسات جوق. وسىعان بايلانىستى, جۇرگىزىلگەن تالداۋ ناتيجەسىندە («Internet Portal Nur» جشس) سايتىندا بۋكمەكەرلىك كەڭسەلەردىڭ جارناماسى زاڭسىز ورنالاستىرىلعانى انىقتالدى. بۇل فاكت بويىنشا ءىس سوتقا جولدانىپ, استانا قالاسىنىڭ اكىمشىلىك قۇقىق بۇزۋشىلىق جونىندەگى مامانداندىرىلعان اۋدانارالىق سوتى پورتالدىڭ زاڭ بۇزعانىن راستادى. 2025 جىلدىڭ اقپانىندا اپەللياتسيالىق شاعىم قارالىپ, باستاپقى سوت شەشىمى وزگەرىسسىز قالدى. مينيسترلىك بۇل جاعدايدى قۇقىقتىق پرەتسەدەنت رەتىندە قاراستىرىپ, وسىنداي زاڭ بۇزۋشىلىقتارعا جول بەرگەن بۇقارالىق اقپارات قۇرالدارىنا اكىمشىلىك شارالار قولدانىلاتىنىن ەسكەرتەدى. سونداي-اق جارناما سالاسىنداعى زاڭنامانىڭ ورىندالۋىن باقىلاۋدى جالعاستىرىپ, بارلىق جارناما تاراتۋشىلاردى قولدانىستاعى تالاپتاردى ساقتاۋعا شاقىرادى.