جاڭالىقتار
Telegram قازاقستان قۇقىق قورعاۋ ورگاندارىنا ءوز پايدالانۋشىلارى تۋرالى مالىمەتتەردى بەردى
فوتو: Shutterstock
Telegram قازاقستان قۇقىق قورعاۋ ورگاندارىنا ءوز پايدالانۋشىلارى تۋرالى مالىمەتتەردى بەردى, دەپ جازدى qandastar.kz
Telegram مەسسەندجەرىندە Transparency Reports دەپ اتالاتىن رەسمي بوت پايدا بولدى. وندا قۇقىق قورعاۋ قىزمەتكەرلەرىنىڭ سۇرانىستارى مەن ولارعا بەرىلگەن مالىمەتتەر كورسەتىلەدى. 2024 جىلى Telegram ورگانداردان كەلگەن 74 سۇرانىستى قاناعاتتاندىرىپ, 496 قازاقستاندىق پايدالانۋشىنىڭ IP-ادرەسى مەن تەلەفون نومىرلەرىن بەرگەن.
“ەگەر قۇقىق قورعاۋ ورگاندارى رەسمي سۇرانىس جىبەرسە جانە قىلمىستىق ءىس بويىنشا كۇدىكتى ەكەنىڭىزدى راستاسا, Telegram ءسىزدىڭ IP-ادرەسىڭىز بەن تەلەفون ءنومىرىڭىزدى ءتيىستى ورگاندارعا بەرە الادى. ەسەپتەر https://t.me/transparency Telegram ارناسىندا جاريالانادى”, – دەلىنگەن Telegram قۇپيالىلىق ساياساتىنىڭ 8.3 تارماعىندا.
atamekenbusiness_qaz حابارلاعانداي, دەرەكتەر ءۇش اي سايىن جاڭارتىلىپ وتىراتىن ەسەپتە كورسەتىلەدى. كەلەسى اقپارات 2025 جىلدىڭ ساۋىرىندە جاريالانباق.
