جاڭالىقتار
تەمىرتاۋدا 36 سارباز اۋرۋحاناعا ءتۇستى
سۋرەت: ru.123rf.com
قازىرگى كەزدە ساربازداردىڭ جاپپاي اۋرۋحاناعا ءتۇسۋ سەبەپتەرىنە قاتىستى قىزمەتتىك تەكسەرۋ جۇرگىزىلىپ جاتىر
قاراعاندى وبلىسى تەمىرتاۋ قالاسىندا ۇلتتىق ۇلاننىڭ 36 اسكەري قىزمەتكەرلەرى اۋرۋحانا ءتۇستى, دەپ حابارلايدى KYN.KZ اقپارات اگەنتتىگى.
ۇلتتىق ۇلاننىڭ «ورتالىق» وڭىرلىك قولباسشىلىعىنىڭ مالىمەتىنشە, اسكەري قىزمەتكەرلەر جۇقپالى اۋرۋلار اۋرۋحاناسىنا جاتقىزىلعان.
«18 تامىزدا تەمىرتاۋ قالاسىنداعى جۇقپالى اۋرۋلار اۋرۋحاناسىنا 36 اسكەري قىزمەتشى جاتقىزىلدى, ونىڭ ىشىندە 31 قىزمەتكەرگە جەدەل ىشەك ينفەكتسياسى جانە بەسەۋىنە جەدەل رەسپيراتورلىق ۆيرۋستىق ينفەكتسيا دياگنوزى قويىلعان. ەپيدەمياعا قارسى قاجەتتى شارالار قابىلداندى», – دەلىنگەن رەسمي حابارلامادا.
قازىرگى كەزدە ساربازداردىڭ جاپپاي اۋرۋحاناعا ءتۇسۋ سەبەپتەرىنە قاتىستى قىزمەتتىك تەكسەرۋ جۇرگىزىلىپ جاتىر.
