تەڭگە قۇلدىراپ بارادى, ەلدە دەۆالۆاتسيا بولۋى مۇمكىن بە – قارجى ۆيتسە-ءمينيسترى جاۋاپ بەردى

فوتو: اشىق دەرەككوز

قارجى ءمينيسترىنىڭ ورىنباسارى ارمان قاسەنوۆ تەڭگەنىڭ قۇلدىراۋىنا بايلانىستى ەلدە دەۆالۆاتسيانىڭ بولۋ مۇمكىندىگىنە قاتىستى پىكىر ءبىلدىردى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.

ۆيتسە-مينيستر جۋرناليستەردىڭ سۇراعىنا جاۋاپ بەرىپ, ازىرگە داۋرىعۋعا سەبەپ جوق ەكەنىن جەتكىزدى.

«مەن ءوزىم ۇلتتىق ۆاليۋتانىڭ «جانكۇيەرىمىن», ال كەيىنگى جىلدارى بايقالعان ديناميكا دا مۇنى دالەلدەيدى. ۆاليۋتاعا ءتۇرلى فاكتورلار اسەر ەتەدى. وزگە ۆاليۋتالار سەكىلدى تەڭگە ەكسپورت پەن يمپورتقا بايلانىستى بولىپ قالا بەرەدى. الايدا تەڭگەدەگى دەپوزيتتىڭ تابىسى ينفلياتسيانى قوسا ەسەپتەگەندە شەتەلدىك ۆاليۋتاداعى دەپوزيتتىكىنەن كوپ», – دەيدى ول.

قاسەنوۆ ينفلياتسيا مەن باعا ءوسىمى باقىلاۋدا ەكەنىن ايتادى. سوندىقتان ۇلتتىق ۆاليۋتا دەۆالۆاتسيا بولمايدى دەپ سەندىردى.

«بىزدە دەۆالۆاتسيا بۇرىننان بولماعان, سەبەبى ول بولۋى ءۇشىن ناقتى سەبەپتەر كەرەك. قازىر مۇنداي فاكتورلار جوق. ءبىزدىڭ ەكسپورت دەڭگەيىن بىلەسىزدەر, بيىل ەكسپورت بىلتىرعىدان جوعارى. يمپورت دەڭگەيى تومەندەدى, ساۋدا بالانسىنىڭ دەڭگەيى دە جاقسى. سوندىقتان دەۆالۆاتسيا بولادى دەۋگە نەگىز جوق», – دەپ قوستى ۆيتسە-مينيستر.

ەسكە سالايىق, بۇعان دەيىن اقشا ايىرباستاۋ پۋنكتەرىندە دوللار باعامى 494 تەڭگەگە جەتكەنىن حابارلاعان ەدىك.