جاڭالىقتار
ء«تىلدى, تاريحتى, كونستيتۋتسيانى ءبىلۋ»: مينيسترلىك قازاقستان ازاماتتىعىن الۋدىڭ جاڭا ەرەجەلەرىن جاريا ەتتى
![](https://qandastar.kz/wp-content/uploads/2024/05/IMG_6138-780x405.jpeg)
ىشكى ىستەر مينيسترلىگىنىڭ رەسمي وكىلى شىڭعىس الەكەشەۆ قازاقستان ازاماتتىعىن بەرۋ تۋرالى شەشىم شىعارار كەزدە نەگىزگە الىناتىن زاڭعا ەنگىزىلگەن وزگەرىستەر تۋرالى ايتتى. «زاڭ ازاماتتىقتان باس تارتۋدىڭ مىناداي نەگىزدەرىن ەنگىزەدى, مىسالى, مەملەكەتتىك ءتىلدىڭ باستاپقى دەڭگەيىن, سونداي-اق ەلىمىزدىڭ تاريحى مەن كونستيتۋتسياسى نەگىزدەرىن بىلمەۋ. باستاپقى دەڭگەيدى عىلىم جانە جوعارى ءبىلىم مينيسترلىگى انىقتايدى. تۇزەتۋلەردىڭ ماقساتى – قوعامعا تەز بەيىمدەلۋ جانە ينتەگراتسيالاۋ. ءتىل ءبىلۋ, ەڭ الدىمەن, قوعامعا تەز ارالاسىپ, مەملەكەت ومىرىنە ارالاسۋ ءۇشىن ازاماتتىعىن العىسى كەلەتىن ازاماتتاردىڭ وزدەرىنە قاجەت», – دەيدى شىڭعىس الەكەشەۆ.
ىشكى ىستەر مينيسترلىگى بۇل تۇزەتۋ باسقا ەلدەردىڭ, مىسالى, گەرمانيا, كانادا جانە تۇركيانىڭ تاجىريبەسىنە نەگىزدەلگەنىن اتاپ ءوتتى. «ماسەلەن گەرمانيادا ازاماتتىق الۋعا ۇمىتكەرلەرگە نەمىس ءتىلىن بىلۋگە, نەمىس مادەنيەتى مەن ءداستۇرىن ساقتاۋعا جوعارى تالاپتار قويىلادى.
كانادادا ءسىز وسى ەلدىڭ ازاماتىنىڭ تاريحى مەن مىندەتتەرىن ءبىلۋىڭىز كەرەك, سونىمەن قاتار پروۆينتسياعا بايلانىستى اعىلشىن نەمەسە فرانتسۋز تىلىنەن تەستىلەۋدەن ءوتۋ كەرەك. تۇركيادا جالپى نەگىزدە ازاماتتىق العان كەزدە تۇرىك ءتىلىن ءبىلۋ مىندەتتەلەدى, – دەدى ول. ايتا كەتەيىك, وسىدان بىرەر كۇن بۇرىن پرەزيدەنتى قاسىم-جومارت توقاەۆ «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كوشى-قون جانە قىلمىستىق-اتقارۋ جۇيەسى سالاسىنداعى زاڭنامانى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا قول قويعان بولاتىن.