«Tildi, tarıhty, Konstıtýııany bilý»: mınıstrlik Qazaqstan azamattyǵyn alýdyń jańa erejelerin jarııa etti

Ishki ister mınıstrliginiń resmı ókili Shyńǵys Álekeshev Qazaqstan azamattyǵyn berý týraly sheshim shyǵarar kezde negizge alynatyn zańǵa engizilgen ózgerister týraly aıtty. «Zań azamattyqtan bas tartýdyń mynadaı negizderin engizedi, mysaly, memlekettik tildiń bastapqy deńgeıin, sondaı-aq elimizdiń tarıhy men Konstıtýııasy negizderin bilmeý. Bastapqy deńgeıdi Ǵylym jáne joǵary bilim mınıstrligi anyqtaıdy. Túzetýlerdiń maqsaty – qoǵamǵa tez beıimdelý jáne ıntegraııalaý. Til bilý, eń aldymen, qoǵamǵa tez aralasyp, memleket ómirine aralasý úshin azamattyǵyn alǵysy keletin azamattardyń ózderine qajet», – deıdi Shyńǵys Álekeshev.

Ishki ister mınıstrligi bul túzetý basqa elderdiń, mysaly, Germanııa, Kanada jáne Túrkııanyń tájirıbesine negizdelgenin atap ótti. «Máselen Germanııada azamattyq alýǵa úmitkerlerge nemis tilin bilýge, nemis mádenıeti men dástúrin saqtaýǵa joǵary talaptar qoıylady.

Kanadada siz osy eldiń azamatynyń tarıhy men mindetterin bilýińiz kerek, sonymen qatar provınııaǵa baılanysty aǵylshyn nemese franýz tilinen testileýden ótý kerek. Túrkııada jalpy negizde azamattyq alǵan kezde túrik tilin bilý mindetteledi, – dedi ol. Aıta keteıik, osydan birer kún buryn prezıdenti Qasym-Jomart Toqaev «Qazaqstan Respýblıkasynyń keıbir zańnamalyq aktilerine kóshi-qon jáne qylmystyq-atqarý júıesi salasyndaǵy zańnamany jetildirý máseleleri boıynsha ózgerister men tolyqtyrýlar engizý týraly» zańǵa qol qoıǵan bolatyn.