توقاەۆ كەيبىر ساياساتكەرلەردىڭ جاۋاپسىز مالىمدەمەلەرى تۋرالى ايتتى

پرەزيدەنت قاسىم-جومارت توقاەۆ كەيبىر ساياساتكەرلەردىڭ جاۋاپسىز مالىمدەمەلەرى تۋرالى ايتتى

«ەلىمىزدى جان-جاقتى جاڭعىرتۋ ءۇشىن كەڭ اۋقىمدى جۇمىس جاسالىپ جاتىر. بۇگىنگى ايتىلعان باستامالار – سونىڭ ءبىر بولىگى عانا. كوپتەگەن الەۋمەتتىك-ەكونوميكالىق ماسەلەلەر ءالى دە بار. ونىڭ ءبارى حالىقتىڭ كۇندەلىكتى تۇرمىس-تىرشىلىگىنە تىكەلەي اسەر ەتەدى. ءبىز ونى بىرتىندەپ شەشىپ جاتىرمىز. بىراق بارلىعىن ءبىر كۇندە رەتتەۋ مۇمكىن ەمەس. سوندىقتان وعان ۋاقىت, تۇسىنىستىك جانە سابىر قاجەت», — دەدى قاسىم-جومارت توقاەۆ.

پرەزيدەنت دۇنيە جۇزىندە قالىپتاسىپ وتىرعان اسا كۇردەلى احۋال جاعدايدى ۋشىقتىرىپ تۇرعانىن ايتتى.

«كەيبىر ساياساتكەرلەردىڭ جاۋاپسىز مالىمدەمەسىن وزدەرىڭىز وقىپ جاتىرسىزدار, ولار ءتۇرلى ارانداتۋشىلارعا دەم بەرۋدە.

ءبىزدىڭ الدىمىزدا ءۇش ايرىق جول تۇر: قۇلدىراۋ, توقىراۋ نەمەسە ورلەۋ. ءبىز ءاردايىم ورلەۋدى تاڭدايمىز. ارينە, ورگە شىعۋ وڭاي ەمەس. تالاي قيىندىق تۋىنداۋى مۇمكىن. سوعان قاراماستان, تەك العا ۇمتىلۋىمىز كەرەك».

سوڭعى بەس جىلدا كوپتەگەن ماڭىزدى باستامانى جۇزەگە اسىردىق. ناتيجەسىندە قازاقستان ساياسي تۇرعىدان تۇبەگەيلى وزگەردى.

«حالىقتىڭ ءال-اۋقاتىن ارتتىرۋ ءۇشىن ناقتى شارالار قولعا الىندى. بۇل جۇمىس توقتامايدى, جالعاسا بەرەدى.

ۇكىمەتكە ەكونوميكانى تۇبەگەيلى رەفورمالاۋ ءۇشىن بارلىق قۇزىرەت بەرىلدى. حالقىمىز ونىڭ ناتيجەسىن كوپ ۇزاماي كورەدى دەپ سەنەمىن. بىراق ەڭ باستىسى – ناقتى ماقسات قويىپ, سوعان ۇمتىلۋ. وسىنى جەتە تۇسىنگەن ءجون. ءار ازامات ەلىمىزدىڭ قايدا بەت العانىن, ەرتەڭىمىز قانداي بولاتىنىن ءبىلۋى كەرەك. بۇل – وتە ماڭىزدى».