Toqaev keıbir saıasatkerlerdiń jaýapsyz málimdemeleri týraly aıtty

Prezıdent Qasym-Jomart Toqaev keıbir saıasatkerlerdiń jaýapsyz málimdemeleri týraly aıtty

«Elimizdi jan-jaqty jańǵyrtý úshin keń aýqymdy jumys jasalyp jatyr. Búgingi aıtylǵan bastamalar – sonyń bir bóligi ǵana. Kóptegen áleýmettik-ekonomıkalyq máseleler áli de bar. Onyń bári halyqtyń kúndelikti turmys-tirshiligine tikeleı áser etedi. Biz ony birtindep sheship jatyrmyz. Biraq barlyǵyn bir kúnde retteý múmkin emes. Sondyqtan oǵan ýaqyt, túsinistik jáne sabyr qajet», — dedi Qasym-Jomart Toqaev.

Prezıdent dúnıe júzinde qalyptasyp otyrǵan asa kúrdeli ahýal jaǵdaıdy ýshyqtyryp turǵanyn aıtty.

«Keıbir saıasatkerlerdiń jaýapsyz málimdemesin ózderińiz oqyp jatyrsyzdar, olar túrli arandatýshylarǵa dem berýde.

Bizdiń aldymyzda úsh aıryq jol tur: quldyraý, toqyraý nemese órleý. Biz árdaıym órleýdi tańdaımyz. Árıne, órge shyǵý ońaı emes. Talaı qıyndyq týyndaýy múmkin. Soǵan qaramastan, tek alǵa umtylýymyz kerek».

Sońǵy bes jylda kóptegen mańyzdy bastamany júzege asyrdyq. Nátıjesinde Qazaqstan saıası turǵydan túbegeıli ózgerdi.

«Halyqtyń ál-aýqatyn arttyrý úshin naqty sharalar qolǵa alyndy. Bul jumys toqtamaıdy, jalǵasa beredi.

Úkimetke ekonomıkany túbegeıli reformalaý úshin barlyq quzyret berildi. Halqymyz onyń nátıjesin kóp uzamaı kóredi dep senemin. Biraq eń bastysy – naqty maqsat qoıyp, soǵan umtylý. Osyny jete túsingen jón. Ár azamat elimizdiń qaıda bet alǵanyn, erteńimiz qandaı bolatynyn bilýi kerek. Bul – óte mańyzdy».