Toqaev memleketke opasyzdyq jasaý babymen sottalǵan ǵalymǵa keshirim berdi

Foto: vıdeodan alyndy

Saıasattanýshy Andreı Chebotarev Qazaqstan Prezıdenti tıisti Jarlyqpen qytaıtanýshy ǵalym Konstantın Syroejkınge raqymshylyq jasaǵanyn aıtty, – dep habarlaıdy  qandastar.kz Aikyn.kz.

Aqparat saıasattanýshynyń Telegram-daǵy arnasynda jarııalandy.

«О́tken jazdan beri jaqsy jańalyq! Qazaqstan Respýblıkasy Prezıdentiniń janyndaǵy Raqymshylyq máseleleri jónindegi komıssııanyń usynysy boıynsha,  Memleket basshysy Qasym-Jomart Toqaev tıisti Jarlyqpen belgili qytaıtanýshy ǵalym, saıasattaný ǵylymdarynyń doktory jáne professor Konstantın Syroejkınge raqymshylyq jasady. Osyǵan baılanysty onyń sottylyǵy alynyp tastaldy jáne ol óz quqyǵyn qalpyna keltirdi. Jalpy, ádilettilik ornady! Áriptesimizge jáne tálimgerimizge zor densaýlyq jáne jańa ǵylymı jetistikter tileımin», – dep jazdy Andreı Chebotarev.

Aıta keteıik, 2019 jyldyń aqpanynda ony UQK qyzmetkerleri memleketke opasyzdyq jasady degen kúdikpen ustady. Saıasattanýshy satqyndyq jasady degen aıyppen kináli dep tanylyp, 10 jylǵa bas bostandyǵynan aıyrý jazasyn aldy. Keıin memleketke opasyzdyq jasaǵany úshin sottalǵan saıasattanýshy Syroejkın Qazaqstan azamattyǵynan aıyryldy, alaıda sol jyldyń qarasha aıynda úkim ózgertildi. Sot alqasy qosymsha jazalardyń kúshin joıý týraly sheshim qabyldady. Buryn aıtylǵan úkimge sáıkes, ony azamattyǵynan aıyrýǵa, sondaı-aq Qazaqstannan májbúrlep shyǵarýǵa týra keler edi. Bul rette saıasattanýshyǵa Otanyna oralýǵa tyıym salynýy da múmkin bolatyn.

Sot alqasy bul tarmaqtardyń kúshin joıdy.

Osy jyldyń sáýir aıynda memleketke opasyzdyq jasady dep 10 jylǵa sottalǵan Konstantın Syroejkın bostandyqqa shyqty. Almaty oblystyq sotynda sottalǵan Konstantın Syroejkınniń birinshi satydaǵy sottyń merziminen buryn shartty túrde bosatý týraly ótinishti qanaǵattandyrýdan bas tartý týraly jeke shaǵymy qanaǵattandyryldy.