Álem jańalyqtary
Tokıo Olımpıadasy: Ulttyq quramanyń kıim úlgisine ashyq konkýrs jarııalandy
2020 jyly Tokıoda ótetin Jazǵy Olımpıada oıyndaryna qatysatyn ulttyq qurama sportshylarynyń kıim úlgisine ashyq konkýrs jarııalandy, dep habarlaıdy QR Ulttyq Olımpıadalyq komıtetiniń baspasóz qyzmeti.
«Biz olımpıadashylardy ádemi formamen qamtamasyz etip qana qoımaı, talantty sheberlerdi, sýretshiler men dızaınerlerdi qoldap, zamanaýı sporttyq kıimder shyǵarýda jańa tendenııalardy qoldanýyna múmkindik berip, elimizdegi olımpıadalyq qozǵalysqa nazar aýdartqymyz keledi», — delingen UOK habarlamasynda.
Konkýrsqa ótinimder 2019 jyldyń 14 qazanynan 14 qarashasyna deıin qabyldanady. Kelip túsken barlyq jumystar Qazaqstan UOK resmı saıty men áleýmetti jelidegi paraqshalarynda jarııalanady. Jeńimpazdy jankúıerler pikirin eskere otyryp, arnaıy komıssııa quramy anyqtaıdy.
Oǵan Qazaqstan UOK men Qazaqstan Respýblıkasynyń Mádenıet jáne sport mınıstrliginiń ókilderi, sport qaıratkerleri men el namysyn qorǵap júrgen sportshylar kiredi. Qazaqstan ulttyq quramasynyń paradtyq jáne sporttyq kıim úlgisi boıynsha eń jaqsy dızaın ıdeıasynyń avtorlary aqshalaı syılyqtarǵa ıe bolady.
Jeńimpazdy jankúıerler pikirin eskere otyryp, arnaıy komıssııa quramy anyqtaıdy. Oǵan Qazaqstan UOK men Qazaqstan Respýblıkasynyń Mádenıet jáne sport mınıstrliginiń ókilderi, sport qaıratkerleri men el namysyn qorǵap júrgen sportshylar kiredi. Qazaqstan ulttyq quramasynyń paradtyq jáne sporttyq kıim úlgisi boıynsha eń jaqsy dızaın ıdeıasynyń avtorlary aqshalaı syılyqtarǵa ıe bolady.
Konkýrs nátıjesi 2019 jyldyń 23 qarashasynda Olympic.kz saıtyna shyǵady.
Konkýrs erejesimen myna silteme arqyly tanysýǵa bolady.
Eske sala keteıik, 2020 jyldyń 24 shilde men 9 tamyz kúnderi Japonııa astanasy Tokıo qalasynda XXXII jazǵy Olımpıada oıyndary ótedi.
