توپ-20: قازاقستان التىن قورى بويىنشا جەتەكشى ەلدەر قاتارىنا ەندى

قازاقستان التىن قورى بويىنشا الەمدەگى جەتەكشى 20 ەلدىڭ قاتارىنا ەندى. بۇل تۋرالى ونەركاسىپ جانە قۇرىلىس ۆيتسە-ءمينيسترى يران شارحان استانادا وتكەن حالىقارالىق تاۋ-كەن مەتاللۋرگيا كونگرەسىندە ايتتى, دەپ حابارلايدى Qandastar.kz.

ونىڭ ايتۋىنشا سوڭعى 10 جىلدا ەلىمىزدە التىن كەنىن ءوندىرۋ كولەمى 2,2 ەسەگە ارتتى.

سايكەسىنشە تازارتىلعان التىن ءوندىرىسى ەكى ەسەگە ءوستى. وسىلايشا قازاقستان التىن قورى بويىنشا الەمدەگى 20 جەتەكشى ەلدىڭ قاتارىنا كىردى, – دەدى يران شارحان.

ۆيتسە-ءمينيستردىڭ مالىمەتىنشە, بۇل 420 ميلليارد تەڭگە ينۆەستيتسيا تارتۋعا مۇمكىندىك بەردى.

سوىنمەن قاتار ۆيتسە-مينيستر 2026 جىلعا قاراي بارلاۋ الاڭىن 1,9 ميلليون شارشى شاقىرىمنان 2,2 ميلليون شارشى شاقىرىمعا دەيىن ۇلعايتۋ جوسپارلانىپ وتىرعانىن ايتتى.

دۇنيەجۇزىلىك التىن كەڭەسىنىڭ مالىمەتى بويىنشا 2025 جىلى التىن قورى بويىنشا توپ-3 ەل:

• اقش (8,13 مىڭ توننا),
• گەرمانيا (3,35 مىڭ توننا),
• يتاليا (2,45 مىڭ توننا).