Top-5: Qazaqstanǵa qaı elden týrıster kóp keldi?

Foto: ashyq derekkóz

Ulttyq statıstıka bıýrosynyń deregine sáıkes, 2024 jyldyń qańtar-maýsym aralyǵynda elimizge 566,5 myń sheteldik týrıst saıahattaǵan, dep habarlaıdy Qandastar.kz. QR Týrızm jáne sport mınıstrliginiń málimetine súıensek, bul 2023 jylǵy sáıkes kezeńmen salystyrǵanda 50,7 myń adamǵa kóp. 2023 jyldyń alǵashqy jartyjyldyǵynda Qazaqstanǵa 515,8 myń sheteldik týrıst kelgen.

Statıstıkaǵa sáıkes, elimizge keletin sheteldik týrısterdiń geografııasy jyl saıyn keńeıip keledi. Mysaly, jaqyn kórshilerden bólek, Qazaqstanǵa muhıttyń arǵy betindegi memleketterden de saıahatshylar kele bastady. Osy oraıda, nazarlaryńyzǵa 2024 jyldyń birinshi jartyjyldyǵynda elimizge kelgen týrıster sany boıynsha TOP-5 eldi usynamyz.

2024 jyldyń alǵashqy 6 aıynda elimizge eń kóp saıahatshy Reseı Federaııasynan kelgen. Byltyrǵy qańtar-maýsym aralyǵynda Qazaqstanǵa 186,1 myń reseılik saıahattaǵan. Ekinshi oryndy Qytaı týrısteri ıelendi. Shyǵystaǵy kórshimizden elimizge 69 918 adamnyń tabany tıgen. Al úshinshi satyǵa Úndistan (53 695 adam) jaıǵasty. Sondaı-aq úzdik bestiktiń qatarynda Túrkııa (30 312) jáne AQSh (19 597) elderi bar.

«Elimizge Úndistan, Túrkııa jáne AQSh sııaqty elderden keletin týrıster sanynyń artýy Qazaqstannyń álemdik týrıstik kartada jyl ótken saıyn tartymdy baǵytqa aınalyp jatqanyn kórsetedi. Biz týrıstik ınfraqurylymdy damytýdy jáne álemniń túkpir-túkpirinen kelgen saıahatshylar úshin qolaıly jaǵdaı jasaýdy jalǵastyramyz», – dedi Týrızm ındýstrııasy komıtetiniń tóraǵasy Nurtas Káripbaev.