Tramp “Azattyq radıosyna” qarjy bermeıdi

Foto:

Prezıdent Tramp jeti federaldyq agenttikte jappaı qysqartý júrgizýdi buıyrdy, dep habarlaıdy qandastar.kz

Donald Tramp jeti federaldyq agenttikte aýqymdy qysqartýlar júrgizýdi tapsyrdy.

 Olardyń qatarynda «Amerıka daýysy» men «Azattyq radıosyn» baqylaıtyn AQSh-tyń jahandyq medıa agenttigi (USAGM) bar.

«Amerıka daýysy» medıasynyń dırektory Maıkl Abramovıtiń aıtýynsha, 1300 qyzmetkerdiń basym bóligi ákimshilik demalysqa jiberilgen. Bul shamamen 50 tilde habar taratatyn jáne aptasyna 361 mıllıonnan astam aýdıtorııany qamtıtyn medıanyń jumysyn toqtatýǵa májbúr etken.

«Men tereń kúızeliske tústim. 83 jyldyq tarıhynda alǵash ret ańyzǵa aınalǵan “Amerıka daýysy” únsiz qalýǵa májbúr», — dep jazdy Abramovı LinkedIn-de. Ol «Amerıka daýysy» medıasynyń álemdegi bostandyq pen demokratııa úshin kúrestegi róliniń mańyzdylyǵyn atap ótti.