Álem jańalyqtary
Tramp Reseı men Ýkraına qaqtyǵysyn sheshý úshin Qytaıdan qoldaý surady
Foto: ashyq derekkóz
AQSh prezıdenti Donald Tramp 17 qańtarda Qytaı Tóraǵasy Sı zınpınmen telefon arqyly sóılesip, Reseı men Ýkraına arasyndaǵy qaqtyǵysty retteýge yqpal etýdi ótingenin málimdedi, dep jazdy qandastar.kz
«Iá, men oǵan bul máseleni sheshý kerek ekenin aıttym. Ol bul baǵytta kóp nárse isteı qoıǵan joq. Biraq onyń da, bizdiń de úlken yqpalymyz bar. Men oǵan: «Bul máseleni retteý qajet», – dedim», – dedi Tramp.
Sonymen qatar, Tramp Reseı prezıdenti Vladımır Pýtın kelissózderden bas tartqan jaǵdaıda, Reseıge jańa sankııalar engizilýi múmkin ekenin aıtty. Alaıda, ol bul sankııalardyń naqty qandaı bolatynyn ashyp aıtpady.
atamekenbusiness_silkway habarlaǵandaı, 21 qańtarda Qytaı men Reseı basshylary 1,5 saǵat boıy beınebaılanys arqyly sóılesti. Olar Ýkraınadaǵy jaǵdaıdy jáne AQSh-ta Tramp ákimshiligi bılikke kelgennen keıingi elderdiń qarym-qatynasyn talqylady. Sı zınpın telefon arqyly Tramppen bolǵan áńgime týraly jalpy aqparatty Vladımır Pýtınge jetkizgen.
