ءبىلىم
«تۇران. قايتا بەرىلگەن مۇمكىندىك»
مەكتەپ تابالدىرىعىن اتتاعان ءار تۇلەكتىڭ ارمانى اتا-اناسىنىڭ ءۇمىتىن اقتاپ, ون ءبىر جىل بويىنا سىڭىرگەن ءبىلىمىنىڭ دەڭگەيىن ءوسىرىپ جوعارى وقۋ ورنىنا گرانتكا ءتۇسۋ. ون ءبىرىنشى سىنىپتى قىزىققا تولى وتكىزۋدىڭ ورنىنا, زەيىنىنىڭ ءبارىن ۇلتتىق بىرىڭعاي تەستىلەۋىنە دايىندىقپەن كوز ىلمەي وتكىزگەن تۇلەك ءۇشىن مەملەكەت گرانتىن ۇتىپ الۋ ۇلكەن ماقسات. مەن دە وسى ءۇش جىل بۇرىڭعى تۇلەك ساتىمە ورالعىم كەلىپ وتىر.
شىعارماشىلىق باعىتتى تاڭداپ, جۋرناليست ماماندىعىنا گرانتقا ءتۇسىپ, ءوزىمدى دە, اتا-انامدى دا قۋانتۋ مەنىڭ سول جىلعى ەڭ ماڭىزدى ماقساتىم بولعان ەدى. ءبىر جىلىمدى وسى ەمتيحانعا دايىندىقپەن وتكىزدىم, وزىمە سەنىمدىلىكپەن جانە ءبىر از قوبالجۋمەن كوپتەن كۇتكەن ۇبت-نى تاپسىردىم. جاقسى ۇپاي جينادىم, گرانت كونكۋرسىنا «تۇسەمىن» دەگەن سەنىممەن تىركەلدىم.
كونكۋرسقا قاتىسۋشىلاردىڭ ءبارىنىڭ جازى وسى سايىستىڭ جاۋابىن بىلۋمەن ءوتتى. كوپ كۇتتىرگەن كۇن دە كەلىپ جەتىپ, تامىز ايىندا كونكۋرس ناتيجەلەرى جاريالاندى. تىزىمدە ءوز ەسىمىمدى تاپپادىم. مەن ءۇشىن بۇل وتە كۇتپەگەن جاعداي بولدى, ءدال مەن سەكىلدى بالل جيناعان 3 تۇلەك گرانت يەگەرى اتانىپتى, بىراق ماعان بۇل باقىت بۇيىرماپتى… بۇل حاباردى بىلگەننەن كەيىن, وزىمنەن بولەك, اتا-انامدى ۋايىمدادىم, ۇيالدىم, قىسىلدىم. سول كۇنگى ءتۇنىم ۇيقىسىز ءوتتى, ينستاگرام جەلىلەرىن اقتارىپ وتىرىپ قازىرگى ستۋدەنتى بولىپ وتىرعان وقۋ ورنىم تۇراننىڭ جازباسىن كورىپ قالدىم. رەكتورلىق گرانت بەرىلىپ جاتىر ەكەن, جيناعان باللىنا قاراي ءبىر, ەكى, ءۇش نەمەسە ءتورت جىلدىق گرانت الۋ مۇمكىندىگى بار ەكەن. جازباداعى كەستەگە قاراپ ءوزىمنىڭ باللىمنىڭ ءتورت جىلدىق گرانت الۋعا مۇمكىندىگى جەتەتىنىن كورىپ, ىشىمدە ءبىر ءۇمىت پايدا بولدى. قابىلداۋ كوميسسياسىنا جازىپ, قابىلداۋعا ەرتەڭ كەلۋگە بولاتىنىن ايتتى. قابىلداۋ كوميسسياسى دەمالىسسىز جۇمىس جاساپ جاتىر ەكەن, قۋانىپ كەتىپ, انامدى ەرتىپ سەنبى كۇنى ەرتە وسى وقۋ ورنىنا كەلدىم. مەن سەكىلدى جاقسى بالل الىپ, بىراق مەملەكەتتىك گرانتقا جەتە الماي قالعان بولاشاق ارىپتەس ستۋدەنتتەر وتە كوپ ەكەن. ىشىمنەن «بارلىعىنا بەرىلمەيتىن شىعار, ءبىر شەكتەۋ سانى بار-اۋ» دەگەن ۋايىممەن وتىردىم. الايدا, سەنەسىزدەر مە? قابىلداۋ كوميسسياسىنىڭ كەزەگىندە وتىرعان بارلىق تۇلەك ءوز باللىنا ساي گرانت يەگەرى اتاندى. سول ەسىكتەن بارلىعى جۇزدەرىندەگى كۇلكىمەن, قۋانىشپەن, جاڭا ءبىر ۇمىتپەن شىعىپ جاتتى.
سول ساتتەن بەرى قازىر تۇران ۋنيۆەرسيتەتىندە راحمان الشان ۇلىنىڭ بىزگە بەرگەن مۇمكىندىگىنىڭ ارقاسىندا جۋرناليستيكا كافەدراسىنىڭ قازاق بولىمىندە 80 جۋرناليست ءبىلىم الىپ جاتىرمىز. تۇران وشكەن ءۇمىتىمىزدى قايتا جاققان ورىن! بولاشاققا ۇمىتپەن قاراعان تۇلەكتەرگە جارقىن بولاشاق قۇرۋعا مۇمكىندىك بەرە العان ورىن!
جۋرناليستيكا جانە رەپورتەر ءىسى كافەدراسىنىڭ
3-ءشى كۋرس ستۋدەنتى تۇردىبەكوۆا تۋماريس
