تۇرىكمەنستاندا جاس كەلىننىڭ پاك ەكەنىن كورۋ ءۇشىن تۋىستارى جىگىتتىڭ ۇيىنە جينالعان

تۇرىكمەنستاندا جاس جۇبايلاردىڭ العاشقى نەكە تۇنىنە تۋىستارى جينالدى دەگەن اقپارات تاراپ, قوعامدا ۇلكەن رەزونانس تۋدىردى. بۇل ەلدە قىزدىڭ پاكتىگىنە كوز جەتكىزۋ ماقساتىندا جاقىن تۋىستار جاس جۇبايلاردىڭ ينتيمدىك قارىم-قاتىناسىنا كۋا بولاتىن ءداستۇر بار, دەپ حابارلايدى qandastar.kz/

تۇرىكمەن بۇقارالىق اقپارات قۇرالدارىنىڭ حابارلاۋىنشا, ەگەر كورپەگە قان جۇقسا, قىزدىڭ «ابىرويى» بار. ياعني, العاشقى جاقىنداسۋدان كەيىن توسەك جايماسىنان قاننىڭ ءىزى كورىنۋى – نەكەگە دەيىنگى تازالىقتىڭ بەلگىسى سانالادى. بۇل تالاپتىڭ ورىندالۋى تەك جاس جۇبايلار ەمەس, ەكى جاقتىڭ تۋىستارى ءۇشىن دە ماڭىزدى.

الەۋمەتتىك جەلى قولدانۋشىلارى مەن ادام قۇقىقتارىن قورعاۋشىلار بۇل ارەكەتتى ادامگەرشىلىككە جاتپايتىن, قۇقىققا قايشى ءارى قىزمەتتىك زورلىققا تەڭ مادەني شەكتەۋ دەپ باعالادى. جاس جۇبايلاردىڭ جەكە ومىرىنە كىرۋ – جەكە بوستاندىق پەن ادام قۇقىعىن بۇزۋ بولىپ ەسەپتەلەدى.