تۇركى مەملەكەتتەرىنىڭ ورتاق ءانۇرانى جازىلادى

فوتو: idelreal.org

مۇنداي باستامانى انكارا مۋزىكا جانە بەينەلەۋ ونەرى ۋنيۆەرسيتەتىنىڭ رەكتورى, تۇركى مەملەكەتتەرى ونەر ۋنيۆەرسيتەتتەرى وداعىنىڭ توراعاسى, پروفەسسور ەرحان وزدەن كوتەرىپ وتىر, دەپ جازدى qandastar.kz Ulysmedia.kz-عا سىلتەمە جاساپ. 

پروفەسسوردىڭ ايتۋىنشا, سوزدىك ونەردىڭ بارلىق باعىتتارىن قامتىپ, ءارتۇرلى تۇركى تىلدەرىندەگى ماعىنالارىن ەسكەرە وتىرىپ, تەرميندەر ۇسىنىلادى. بۇل – ەنتسيكلوپەديانىڭ ءبىر ءتۇرى بولادى.

– جوبانىڭ ماقساتى – بارلىق تۇركى ەلدەرى ءۇشىن تۇسىنىكتى ءارى قولجەتىمدى تەرميندەردىڭ بىرىڭعاي بازاسىن قۇرۋ. بۇل ءبىزدىڭ ايماق حالىقتارىنىڭ ءتىلى مەن مادەنيەتىنىڭ بىرلىگىن نىعايتۋعا كومەكتەسەدى, – دەپ اتاپ ءوتتى ەرحان وزدەن.

ەكىنشى ماڭىزدى جوبا – تۇركى مەملەكەتتەرىنىڭ ورتاق ءانۇرانىن جازۋ بولماق. وزدەن ءانۇراننىڭ ءماتىنى مەن اۋەنى تۇركى حالىقتارىن بىرىكتىرەتىن تاريحتى, داستۇرلەر مەن قۇندىلىقتاردى بەينەلەيتىنىن اتاپ وتەدى.

– ءانۇران بارلىق تۇركى ەلدەرىنىڭ وكىلدەرىنە تۇسىنىكتى تىلدە جازىلادى. ءبىز ونىڭ بىرلىگىمىز بەن ورتاق بولاشاعىمىزدىڭ سيمۆولىنا اينالۋىنا ۇمتىلامىز, — دەدى پروفەسسور.