جاڭالىقتار
تۇركىستان وبلىسىندا جول اپاتىنان قازا بولعان جىگىتتىڭ اعزالارىن ءتورت ناۋقاسقا ءبولىپ بەردى
فوتو: freepik.com
تۇركىستان وبلىسىندا العاش رەت مايىتتىك دونورعا وتا جاسالدى, دەپ حابارلايدى Politico.kz.
وبلىستىق كلينيكالىق اۋرۋحانانىڭ دارىگەرلەرى جول اپاتىنان كەيىن مەد مەكەمەگە اۋىر حالدە جەتكىزىلىپ, قايتىس بولعان 18 جاستاعى جىگىتتىڭ اعزاسىن ءتورت ناۋقاسقا حيرۋرگيالىق جولمەن ءبولىپ بەردى.
اقحالاتتىلاردىڭ ايتۋىنشا, اعزانى الۋعا ارنايى جاساقتالعان ەكى بريگادا الماتى مەن استانا قالاسىنان ۇشىپ كەلگەن. مايىتتەن الىنعان باۋىر, ەكى بۇيرەك پەن جۇرەك, وكپە ءتىزىم بويىنشا ترانسپلانتاتسيا وتاسى قاجەت ناۋقاستارعا حيرۋگيالىق جولمەن سالىنادى. ايتا كەتەيىك, مايىتتىك دونوردىڭ اعزاسىن الۋعا تۋىستارى زاڭدى تۇردە رۇقسات بەرگەن.
«تۇركىستان وبلىسى بويىنشا مايىتتەن اعزا الۋ وتاسى تاريحتا العاش رەت وتۋدە. ءبىر بۇيرەك وبلىستىق كلينكيالىق ارۋحانادا قالادى. جۇرەگى شىمكەنتتەگى جۇرەك ورتالىعىنا جىبەرىلەدى. باۋىرى الماتىعا, وكپەسى مەن ءبىر بۇيرەگى استانا قالاسىنا جىبەرىلەدى», – دەدى رەسپۋبليكالىق ترانسپلانتتاۋ ورتالىعىنىڭ تۇركىستان وبلىسى بويىنشا وڭىرلىك ۇيلەستىرۋشىسى ءامىرحان ساندىباەۆ.
