Túrkistan oblysynda jol apatynan qaza bolǵan jigittiń aǵzalaryn tórt naýqasqa bólip berdi

Foto: freepik.com

Túrkistan oblysynda alǵash ret máıittik donorǵa ota jasaldy, dep habarlaıdy Politico.kz.

Oblystyq klınıkalyq aýrýhananyń dárigerleri jol apatynan keıin med mekemege aýyr halde jetkizilip, qaıtys bolǵan 18 jastaǵy jigittiń aǵzasyn tórt naýqasqa hırýrgııalyq jolmen bólip berdi.

Aqhalattylardyń aıtýynsha, aǵzany alýǵa arnaıy jasaqtalǵan eki brıgada Almaty men Astana qalasynan ushyp kelgen. Máıitten alynǵan baýyr, eki búırek pen júrek, ókpe tizim boıynsha transplantaııa otasy qajet naýqastarǵa hırýgııalyq jolmen salynady. Aıta keteıik, máıittik donordyń aǵzasyn alýǵa týystary zańdy túrde ruqsat bergen.

«Túrkistan oblysy boıynsha máıitten aǵza alý otasy tarıhta alǵash ret ótýde. Bir búırek oblystyq klınkıalyq arýhanada qalady. Júregi Shymkenttegi júrek ortalyǵyna jiberiledi. Baýyry Almatyǵa, ókpesi men bir búıregi Astana qalasyna jiberiledi», – dedi Respýblıkalyq transplanttaý ortalyǵynyń Túrkistan oblysy boıynsha óńirlik úılestirýshisi Ámirhan Sandybaev.