«تۇرسەن بالا كوتەرۋىمە قارسى بولدى». بايان ماقساتقىزى قالاي ەكى قىزدىڭ اناسى اتانعانىن ايتتى

فوتو: instagram.com / bayanmaxatkyzy

بايان ماقساتقىزى تۇرسەن الاگوزوۆكە تۇرمىسقا شىققان سوڭ بالالى بولعىسى كەلگەنىن, الايدا كۇيەۋى بالا كوتەرۋىنە قارسى بولعانىن ايتىپ, سۇحبات بەردى, – دەپ حابارلايدى qandastar.kz Massaget.kz تىلشىسىنە سىلتەمە جاساپ.

ول ەكى قىزدىڭ اناسى اتانعاننان كەيىن العاش رەت ءوزىنىڭ قىزى ايساۋلە باقىتبەكتىڭ «سىرلاسۋ» باعدارلاماسىندا قوناق بولدى.

«سۇيىكتى ادامىما تۇرمىسقا شىققان سوڭ بالا سۇيگىم كەلدى. ونىمەن بۇل تاقىرىپتى تالقىلاعاننان كەيىن ول «ونسىز دا سەنىڭ دەنساۋلىعىڭ كوپ سىناقتان ءوتتى, ساعان قيىن بولعانىن قالامايمىن» دەپ ايتتى. ءبىر جاعىنان جاس ەرەكشەلىگى بار. ول كەزدە مەنىڭ جاسىم 45-تە ەدى. تۇرسەن ماعان بىردەن: «بالانى ءوزىڭ كوتەرگەنىڭدى قالامايمىن» دەدى. قازىر زامان دامىعان. باسقا دا جولدارى بار. وسى جاستا بۇل نارسەنى باسقا جولمەن جاساۋعا بولادى», – دەدى بايان الاگوزوۆا.

كەلەسى كۇنى بايان ماقساتقىزى قازاقستاندىق رەپرودۋكتولوگ-ەمبريولوگ سالتانات بەردەنقىزىنىڭ الدىنا بارعانىن ايتتى. مامان ونىڭ شەشىمىن قولداپ, وسىلايشا, الما مەن اليسا ەسىمدى قىزدار ومىرگە كەلىپتى.

«ول ماعان تابيعي جولمەن دە بالا كوتەرە الاتىنىمدى ايتتى. «تاعى ءبىر جىل دايىندالىپ كورەرسىزدەر» دەپ ۇسىنىس جاسادى. بىراق مەن قارسى بولدىم. سەبەبى تابيعي جولمەن انا بولۋعا دايىن بولمادىم», – دەدى تانىمال پروديۋسەر.

ەسكە سالايىق, ءتورت قىزدىڭ اناسى بايان ماقساتقىزى وسى سۇحباتىندا» ءالى دە بولسا ومىرگە ءسابي اكەلۋى مۇمكىن ەكەنىن ايتقان بولاتىن.