«Tursen bala kóterýime qarsy boldy». Baıan Maqsatqyzy qalaı eki qyzdyń anasy atanǵanyn aıtty

Foto: instagram.com / bayanmaxatkyzy

Baıan Maqsatqyzy Tursen Alagózovke turmysqa shyqqan soń balaly bolǵysy kelgenin, alaıda kúıeýi bala kóterýine qarsy bolǵanyn aıtyp, suhbat berdi, – dep habarlaıdy qandastar.kz Massaget.kz tilshisine silteme jasap.

Ol eki qyzdyń anasy atanǵannan keıin alǵash ret óziniń qyzy Aısáýle Baqytbektiń «Syrlasý» baǵdarlamasynda qonaq boldy.

«Súıikti adamyma turmysqa shyqqan soń bala súıgim keldi. Onymen bul taqyrypty talqylaǵannan keıin ol «Onsyz da seniń densaýlyǵyń kóp synaqtan ótti, saǵan qıyn bolǵanyn qalamaımyn» dep aıtty. Bir jaǵynan jas ereksheligi bar. Ol kezde meniń jasym 45-te edi. Tursen maǵan birden: «Balany óziń kótergenińdi qalamaımyn» dedi. Qazir zaman damyǵan. Basqa da joldary bar. Osy jasta bul nárseni basqa jolmen jasaýǵa bolady», – dedi Baıan Alagózova.

Kelesi kúni Baıan Maqsatqyzy qazaqstandyq reprodýktolog-embrıolog Saltanat Berdenqyzynyń aldyna barǵanyn aıtty. Maman onyń sheshimin qoldap, osylaısha, Alma men Alısa esimdi qyzdar ómirge kelipti.

«Ol maǵan tabıǵı jolmen de bala kótere alatynymdy aıtty. «Taǵy bir jyl daıyndalyp kórersizder» dep usynys jasady. Biraq men qarsy boldym. Sebebi tabıǵı jolmen ana bolýǵa daıyn bolmadym», – dedi tanymal prodıýser.

Eske salaıyq, tórt qyzdyń anasy Baıan Maqsatqyzy osy suhbatynda» áli de bolsa ómirge sábı ákelýi múmkin ekenin aıtqan bolatyn.