Tursynǵalı Edilov: Dindarsyń ba – medresege bar, boksshysyń ba – rıngte basyńmen jumys iste!

Foto: Ýlysmedıa.kz

«Ýaqyt kórsetedi» YouTube arnasyna Qazaqstannyń eńbek sińirgen jattyqtyrýshysy, bokstan Ulttyq quramanyń burynǵy bas bapkeri Tursynǵalı Edilov suhbat berdi, dep habarlaıdy qandastar.kz. 

Skifnews.kz aqparat portaly jazǵandaı, Ulttyq quramanyń burynǵy bas bapkeri Parıjdegi jeńilisterimiz alda úlken jeńisterge bastaıtyn sabaq bolar degen oıda. «Qazaq boksyn kóterý úshin, bizge úlken ózgerister kerek, múmkin, sol úshin bolyp jatqan jeńilister shyǵar» degen optımıstik oı da aıtty.

Sonymen qatar, bas bapker sport pen din máselesin, «saqal» taqyrybynda da pikir bildirdi.

«Jıyrma jastaǵy jap-jas jigitterdiń bári saqal qoıyp alǵan. Sport pen din eki bólek nárse. Jeńilip qalsa, Allanyń qalaýy solaı boldy degen ne sóz?! Dindarsyń ba, medresege baryp oqy, boksshysyń ba, rıngte basyńmen jumys iste!» – dep ashynady ol.

Odan keıin bas bapker 2004 jyldy esine alyp, Olımpıada oıyndaryna akkredıtaııa ala almaı, Qyrǵyzstan arqyly barǵanyn aıtty.

«2004 jyly maǵan Olımpıadaǵa barýǵa akkredıtaııa bermeı qoıdy. Sosyn men Qyrǵyzstanǵa bardym. Esim Qutmanalıev degen Qyrǵyz Olımpıada komıtetiniń bastyǵyna kirdim. «Aǵa, men 2 altyn ápergen bapker edim, meni Olımpıadaǵa jibermeı jatyr, akkredıtaııa jasap beresiz be?» – dedim. Ol kisi aıtty «Ákel, pasportyńdy!» dep. Sóıtip, Qyrǵyzstan arqyly baryp kórdim, Afına Olımpıadasyn. Paıdalanatyn kezde – kereksiń, al, keıin eshkimge qajetiń joq», – degen burynǵy bas bapkerdiń alqymyna óksik tyǵyldy.

«Men saǵan osynyń bárin ne úshin aıtyp otyrmyn? El bilsin, sen bil. Menen keıingi bapkerler ekinshi Tursynǵalı Edilov bop qııanat kórmesin!» dep aıaqtaıdy suhbatyn, Sıdneı Olımpıadasynan Qazaqstanǵa 2 altyn, 2 kúmis alyp kelgen bas bapker.