جاڭالىقتار
ۋاقىت بەلدەۋى اۋىسسا, تەلەفونىڭىزداعى ساعاتتى قالاي دۇرىستايسىز?
قازاقستاندىق قولدانۋشىلاردىڭ ءبىرازى ۇيالى تەلەفوندار مەن قۇرىلعىلاردىڭ اقپاراتتىق جۇيەلەرىنەن بىرىڭعاي ۋاقىت بەلدەۋىنە (UTC+5) كوشۋ تۋرالى حابارلاما الا باستادى. تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى ولاردى جاڭارتۋعا جانە جاڭا ۋاقىت بەلدەۋىنە ۋاقتىلى كوشۋگە ارنالعان امبەباپ نۇسقاۋلىقتى جاريالادى.
حابارلاما الماعان ازاماتتارعا ۋايىمداۋدىڭ ەش قاجەتى جوق, بار بولعانى قۇرىلعىنىڭ باعدارلامالىق جاساقتاماسىن سوڭعى نۇسقاعا دەيىن جاڭارتۋ قاجەت.
قۇرىلعىدا اۆتوماتتى جاڭارتۋ قوسۋلى بولسا, ۋاقىتتى اۆتوماتتى انىقتاۋ پارامەترلەردە قوسىلعان جانە ينتەرنەتكە قوسۋلى بولعان جاعدايدا, ۋاقىت اۆتوماتتى تۇردە وزگەرەدى, باسقا جاعدايدا ونى ءوزىڭىز وزگەرتۋىڭىز كەرەك, دەلىنگەن مينيسترلىك حابارلاماسىندا.
