ءۇي جانىنان دۇكەن سالعىسى كەلەتىندەرگە مەملەكەت قولداۋ كورسەتپەك

فوتو: اشىق دەرەككوز

قازان ايىندا كاسىپكەرلەر ءۇشىن بيۋدجەتتەن 4 ملرد تگ بولىنەدى, دەپ حابارلايدى Qandastar.kz.

قاراجات 4 ماقساتقا باعىتتالعان. ولار ساۋدا بازارلارىن جاڭعىرتۋعا, ساۋدا وبەكتىلەرىن سالۋ, كەڭەيتۋ, رەكونسترۋكتسيالاۋعا, سونداي-اق ءۇي جانىنان دۇكەن سالۋعا جانە سالادا IT باعدارلامالار جاساۋ ءۇشىن بولماق.

شارت بويىنشا وبلىس ورتالىقتارىنداعى كاسىپكەرلەرگە بەرىلەتىن سوما – 3 ملرد تگ. مونوقالالارعا نەمەسە اۋىلدىق ەلدى مەكەندەرگە – 1,5 ملرد تگ.

قولداۋ 2 تاسىلمەن كورسەتىلەدى. ءبىرىنشىسى نەسيە مولشەرلەمەسىن سۋبسيديالاۋ. ونىڭ مەرزىمى ينۆەستيتسيالىق ماقساتتارعا ارنالعان جوبالار 5 جىلعا, اينالىم قاراجاتىن تولىقتىرۋعا 3 جىلعا بەرىلمەك. ال, ەكىنشىسى ننەسيەگە كەپىل بولۋ. كەپىل جەتپەگەن جاعدايدا جۇمىس ىستەپ تۇرعان سۋبەكتىلەر ءۇشىن – 50 % دەيىن. جۇمىسىن ەندى باستاعان, قۇرىلعانىنا 3 جىل تولماعان نىساندار ءۇشىن كرەديت سوماسىنىڭ 85% نەسيەگە كەپىل بولادى.

ايتا كەتۋ كەرەك, قولداۋ «دامۋ» قورى ارقىلى جۇزەگە اسادى. قاتىسۋشىلارعا تۇتىنۋشىلاردىڭ قۇقىعىن قورعاۋ دەپارتامەنتتەرىنە جۇگىنۋگە بولادى. سونىمەن قاتار, باعدارلاماعا ويىن-ساۋىق ورتالىقتارى قاتىسا المايدى.