«ۇيىمدە بولمەسى بار»: جەڭىس ىسقاقوۆانى اكتەر عاني قۇلجانوۆپەن نە بايلانىستىرادى?

فوتو: اشىق دەرەككوز

ءانشى جەڭىس ىسقاقوۆا قىز بەن جىگىتتىڭ اراسىنداعى دوستىقتىڭ بولاتىنىن, وعان ءوزىنىڭ اكتەر عاني قۇلجانوۆپەن 40 جىلدان بەرى دوس بولىپ جۇرگەنى دالەل ەكەنىن ايتتى.

عاني قۇلجانوۆ دەگەن دوسىمنىڭ ۇيىندەمىن. مەنىڭ 20 جىل بۇرىنعى كونتسەرتىمە شاقىرۋ بيلەتىمدى ساقتاپتى. «ءانىم سەن ەدىڭ» دەگەن شىعارماشىلىق كەشىمدە شاقىرتۋ جىبەرگەن بولاتىنمىن. مىنە, ناعىز دوستىق! قانشاما ءۇي الماستىرىپ, پاتەر جالداپ جۇرسە دە قوقىس بولىپ ءبىر بۇرىشتا قالماپتى. قىز بەن جىگىتتىڭ دوستىعى دەگەن وسى ەمەس پە? – دەدى ءانشى Instagram-داعى پاراقشاسىندا.

سونداي-اق ول دوسىنا قاتىستى ءتۇرلى وسەك ەستىگەنىن دە جاسىرمادى.

مەنىڭ ۇيىمدە عانيدىڭ بولمەسى بار. استانادا تۇرعانىمەن, الماتىعا ءجيى كەلەدى. سول كەزدە ءبىزدىڭ ۇيگە كەلىپ, بولمەسىندە دەمالادى. ەكەۋمىز تۋرالى حالىق نەشەتۇرلى اڭگىمە ايتقان. مەنى عانيدى وتباسىنان اجىراتىپ, قولىنا كىرگىزىپ الدى دەپ وسەك تاراتقان. ونداي جاعدايلار بولعان ەمەس. ءبىزدىڭ دوستىعىمىز 40 جىلعا تايادى, – دەدى ونەر يەسى.