ۇكىمەت مەدساقتاندىرۋ قورىنا 500 ملرد تەڭگەدەن استام قارىز

ۇكىمەت الەۋمەتتىك مەديتسينالىق ساقتاندىرۋ قورىنا 504 ميلليارد تەڭگە كولەمىندە قارىز. بۇل تۋرالى قارجى مينيسترلىگى BAQ.KZ سايتى رەداكتسياسىنىڭ رەسمي ساۋالىنا بەرگەن جاۋابىندا ايتقان.

مينيسترلىكتىڭ اقپاراتىنا سايكەس, «2025–2027 جىلدارعا ارنالعان رەسپۋبليكالىق بيۋدجەت تۋرالى» زاڭ اياسىندا الەۋمەتتىك مەديتسينالىق ساقتاندىرۋ قورىنا جالپى 2 298,6 ميلليارد تەڭگە كولەمىندە ماقساتتى جارنا قاراستىرىلعان.

2025 جىلعى 25 ماۋسىمداعى جاعداي بويىنشا دەنساۋلىق ساقتاۋ مينيسترلىگىنىڭ 002 «الەۋمەتتىك مەديتسينالىق ساقتاندىرۋ قورىنا ماقساتتى جارنا» بيۋدجەتتىك باعدارلاماسى اياسىندا 760,8 ميلليارد تەڭگە كولەمىندە كاسسالىق ورىندالۋ تىركەلدى. بۇل رەتتە جىلدىق قارجىلاندىرۋ جوسپارى 1 278,6 ميلليارد تەڭگەنى قۇرايدى, – دەلىنگەن ۆەدومستۆو جاۋابىندا.

مينيسترلىك سونداي-اق 30 ماۋسىمدا قورعا قوسىمشا 13 ميلليارد تەڭگەدەن استام قاراجات اۋدارىلعانىن حابارلادى.

كورسەتىلگەن بيۋدجەتتىك باعدارلامالاردى قارجىلاندىرۋ تولەمدەردى قارجىلاندىرۋ جوسپارىنا سايكەس بەكىتىلگەن تارتىپپەن كەزەڭ-كەزەڭىمەن جۇزەگە اسىرىلادى, – دەپ ناقتىلادى قارجى مينيسترلىگى.