Úkimet sharýalardy qoldaýǵa 116 mlrd bóldi

Foto: ashyq derekkóz

Úkimet rezervinen otandyq sharýalardy qoldaý úshin 116 mlrd teńgeden astam qarajat bólindi. Premer-mınıstr Oljas Bektenov tıisti qaýlyǵa qol qoıdy, dep jazdy qandastar.kz

Qujat 2025 jylǵy 28 qańtarda ótken Úkimettiń keńeıtilgen otyrysynda Memleket basshysynyń kóktemgi egis pen jıyn-terim jumystaryna keminde 700 mlrd teńge kóleminde jeńildetilgen qarjylandyrýdy qamtamasyz etý boıynsha bergen tapsyrmasyn oryndaý sheńberinde qabyldandy.

Atap aıtqanda, aýyl sharýashylyǵy taýar óndirýshilerin qoljetimdi nesıe arqyly qoldaý jáne sharýalardyń qarjylyq jaǵdaıyn turaqtandyrý maqsatynda qaýlyǵa sáıkes Úkimet rezervinen shamamen 116 mlrd 772 mln teńge bólý qarastyrylǵan.

Qarajatty 2025 jylǵy kóktemgi egis jáne jıyn-terim jumystaryn sapaly júrgizý, sondaı-aq otandyq óndiristegi aýyl sharýashylyǵy tehnıkasyn satyp alý úshin AО́K sýbektilerin qarjylandyrýǵa baǵyttaý josparlanǵan. Bul ári qaraı elimizde óndirilgen jáne qurastyrylǵan aýyl sharýashylyǵy tehnıkasyn satyp alýdy qarjylandyrýǵa, keıin ony lızıngke berýge, sondaı-aq «Damý» kásipkerlikti damytý qory» AQ tarapynan nesıe sharttaryn kepildendirý kezinde komıssııany arzandatý úshin «Agrarlyq nesıe korporaııasy» AQ men «QazAgroQarjy» AQ oblıgaııalary boıynsha kýpondyq syıaqyny sýbsıdııalaý arqyly júzege asyrylady.

Eske sala keteıik, Memleket basshysynyń 2024 jylǵy 7 aqpanda ótken QR Úkimetiniń keńeıtilgen otyrysynda bergen tapsyrmalaryn oryndaý sheńberinde Úkimet 2025 jylǵy kóktemgi egis jáne jıyn-terim jumystaryn qarjylandyrýdyń kólemin arttyrý maqsatynda alǵashqy 100 mlrd teńgeni 2024 jyldyń jeltoqsanynda bólgen bolatyn.