Úkimet ýaqyt beldeýine qatysty zertteýdi jarııalady

Foto:Aikyn gazeti

Úkimet otyrysynda ýaqyt beldeýi máselesine nazar aýdaryldy. Saýda jáne ıntegraııa mınıstri Arman Shaqqalıev biryńǵaı ýaqyt beldeýine kóshýdiń halyq densaýlyǵyna áserine qatysty júrgizilgen monıtorıng nátıjeleri týraly baıandady, dep jazdy qandastar.kz

Ol Májilistiń AMANAT frakııasyndaǵy talqylaý qorytyndysy boıynsha sarapshylar qoǵamdastyqty, medıına, neıroǵylym, bıofızıka, genetıka, astrofızıka, fızıologııa salasyndaǵy ǵylymı-zertteý ınstıtýttaryn, barlyq deńgeıdegi máslıhat depýtattary men múddeli tulǵalardy tarta otyryp, biryńǵaı ýaqyt beldeýine kóshýdiń halyqtyń densaýlyǵyna, energııa tutynýyna jáne eńbek ónimdiligine áserine monıtorıng júrgizilgenin atap ótti.

Jumys barysynda derekterdi zertteý, saýalnama nátıjeleri jáne biryńǵaı ýaqyt beldeýine aýysqanǵa deıingi jáne keıingi kórsetkishterdi salystyrýdy qamtıtyn keshendi tásil qoldanyldy. Zertteý júrgizý ádistemesi biryńǵaı ýaqyt beldeýin engizýdiń halyq densaýlyǵyna, energııa tutynýǵa, eńbek tıimdiligine, oqýshylardyń úlgerimine, jol-kólik oqıǵalary deńgeıine, qylmysqa jáne basqa da aspektilerge áserin baǵalaý boıynsha 40-tan astam metrıka men kórsetkishterdi qamtıdy.

«Densaýlyq saqtaý salasy boıynsha 100 myń adamǵa eseptelgen qala jáne aýyl turǵyndarymen qatar túrli jastaǵy azamattar qamtyldy. Energııa tutyný boıynsha elektr energııasyn tutyný statıstıkasyn, onyń ishinde eń joǵary júktemelerdi jáne búkil el boıynsha elektr energııasyn tutynýǵa salystyrý júrgizildi. Eńbek qyzmeti boıynsha oryndalǵan jumys kólemi, keshigý jáne sabaqqa kelmeý jaǵdaılary, jaraqattar men tártip buzý jaǵdaılary qamtylǵan. Nátıjeler biryńǵaı ýaqyt beldeýine kóshýdiń halyqtyń tynys-tirshiliginiń negizgi kórsetkishterine teris áseri joq ekenin kórsetedi», — dep túsindirdi Arman Shaqqalıev.

«Memleket basshysy Úkimet pen Parlamentke atalǵan máseleni egjeı-tegjeıli qarap, birlesip ońtaıly sheshim qabyldaýdy tapsyrǵanyn bilesizder. Mınıstrdiń baıandamasynda aıtylǵandaı, monıtorıng biryńǵaı ýaqyt beldeýin engizý týraly qabyldanǵan sheshimniń teris áseri joq ekenin kórsetti»,— dep atap ótken Oljas Bektenov Parlament Májilisimen birlesip, tıisti jumysty uıymdastyrýdy tapsyrdy.