ۇكىمەت جەزقازعاننىڭ جىلۋ جەلىلەرىن جوندەۋگە 2,8 ملرد تەڭگە ءبولدى

ۇكىمەت ۇلىتاۋ وبلىسى جەزقازعان قالاسىنىڭ جىلۋ جەلىلەرىن رەكونسترۋكتسيالاۋ جانە جاڭعىرتۋ جوباسىنىڭ ءۇشىنشى ىسكە قوسۋ كەشەنىنىڭ ەكىنشى كەزەگىن جۇزەگە اسىرۋ ءۇشىن رەزەرۆتەن 2,8 ملرد تەڭگەدەن استام قارجى ءبولدى. پرەمەر-مينيستر ولجاس بەكتەنوۆ ءتيىستى قاۋلىعا قول قويدى, دەپ جازدى  qandastar.kz

جەزقازعان قالاسى جىلۋ جەلىلەرىنىڭ ۇزىندىعى 398 شاقىرىمدى قۇرايدى. نىسان 1951 جىلى پايدالانۋعا بەرىلگەن, توزۋى – 56,6%. جىلۋ جەلىلەرى تسەحىندا 1969 جىلى ىسكە قوسىلعان 8 سورعى ستانساسى بار. جىلىتۋ ماۋسىمىندا جىلۋ جەلىلەرىنىڭ توزۋى جىلۋمەن قامتۋعا كەرى اسەرىن تيگىزۋدە. رەسۋرستاردىڭ ايتارلىقتاي شىعىنى ورتا ەسەپپەن 35-40%-عا جەتەدى, بۇل قولدانىستاعى جانە سالىنىپ جاتقان نىسانداردى جىلۋ جەلىلەرىنە قوسۋعا مۇمكىندىك بەرمەيدى.

turkystan.kz حابارلاعانداي,       قالانىڭ كەڭەيۋىن جانە سالىنىپ جاتقان جاڭا باتىس اۋدانىن جىلۋمەن قامتاماسىز ەتۋ قاجەتتىلىگىن ەسكەرە وتىرىپ, باستاپقى جوبا تۇزەتىلدى: قۇبىرلاردىڭ ديامەترى 800 مم-دەن 1000 مم-گە دەيىن, ال رەكونسترۋكتسيالاۋعا جاتاتىن جەلىلەردىڭ ۇزىندىعى 11,4 شاقىرىمنان 12,3 شاقىرىمعا دەيىن ۇلعايتىلدى.

ۇكىمەت رەزەرۆىنەن بولىنگەن 2,8 ملرد تەڭگە جوبانى اياقتاۋعا جانە 98 مىڭنان استام تۇرعىنى بار قالانىڭ جىلۋ جەلىلەرىن ساپالى دايىنداۋعا مۇمكىندىك بەرەدى.