جاڭالىقتار
ۇقك قىزمەتكەرلەرى شقو-دا ارنايى وپەراتسيا جۇرگىزىپ, ءىرى ەسىرتكى زەرتحاناسىنىڭ ۇستىنەن ءتۇستى
قر ۇقك ءباسپاسوز قىزمەتىنىڭ حابارلاۋىنشا, تامىزدا قازاقستاننىڭ ەكى ازاماتى قىلمىس جاسادى دەگەن كۇدىكپەن ۇستالىپ, سوتتىڭ سانكتسياسىمەن قاماۋعا الىندى.
ء«تىنتۋ بارىسىندا 240 ليتردەن اسا پسيحوتروپتىق زات پەن 2 توننا پرەكۋرسور, سونداي-اق ەسىرتكى دايىنداۋعا ارنالعان زەرتحانالىق جابدىق انىقتالىپ, تاركىلەندى», دەلىنگەن حابارلامادا.
قر قىلمىستىق كودەكستىڭ 297-بابى بويىنشا سوتقا دەيىنگى تەرگەپ-تەكسەرۋ جۇرگىزىلۋدە.
قر قىلمىستىق-پروتسەستىك كودەكستىڭ 201-بابىنىڭ 1-بولىگىنە سايكەس وزگە اقپارات جاريا ەتۋگە جاتپايدى.
ايتا كەتسەك, 2025 جىلى 13 تامىزدا پرەزيدەنت قاسىم-جومارت توقاەۆتىڭ توراعالىعىمەن قاۋىپسىزدىك كەڭەسىنىڭ ناركوتيزمگە قارسى ءىس-قيمىل ماسەلەلەرى جونىندەگى وتىرىسى وتكەن بولاتىن. سونداي-اق پرەزيدەنت قاسىم-جومارت توقاەۆتىڭ قاۋىپسىزدىك كەڭەسى وتىرىسىندا بەرگەن تاپسىرمالارىن ورىنداۋ شەڭبەرىندە پرەمەر-ءمينيستردىڭ وكىمىمەن ناشاقورلىق پروفيلاكتيكاسى جانە ەسىرتكى قىلمىسىنا قارسى ءىس-قيمىل بويىنشا مەملەكەتتىك ورگانداردىڭ قىزمەتىن ۇيلەستىرۋ جونىندەگى رەسپۋبليكالىق شتاب قۇرىلعانى بەلگىلى.
