Ýkraınadaǵy soǵysta qazaqstandyq azamat qaıtys boldy

Foto: ashyq derekkóz

Ýkraınada qazaqstandyq azamat qaıtys boldy, – dep habarlaıdy qandastar.kz Dalanews.kz saıtyna siltep. 

Bul týraly jýrnalıst, bloger Luqpan Ahmedııarov habarlady. Aıbek Ramazanov Oral qalasynyń týmasy.

«Ol 2023 jyly óz erkimen Reseı Qarýly Kúshteriniń qataryna  qosylyp Ýkraınaǵa qarsy qylmystyq soǵysqa qatysty. Buǵan deıin Aıbek Ramazanov Batys Qazaqstan oblysynda Jaıyq Munaı kompanııasynda jumys istegen», –  deıdi jýrnalıst.

Aıta keteıik, búgin prezıdent Qasym-Jomart Toqaev Olaf Sholtiń ótinishimen Ýkraına tóńiregindegi jaǵdaıdy retteýge baılanysty pikirin jetkizdi,

– Áskerı turǵyda Reseıdiń jeńilmeıtini anyq. Soǵys budan ári órshı berse, barsha adamzatqa, eń aldymen, Reseı-Ýkraına qaqtyǵysyna tikeleı qatysy bar memleketterge saldary óte aýyr tıedi. О́kinishke qaraı, Ystanbul kelisimin bekitýden bas tartyp, tatýlasýǵa qol jetkizetin ońtaıly múmkindikti ýystan shyǵaryp aldy. Degenmen beıbitshilik ornatýǵa áli de múmkindik bar. Túrli memleketterdiń barlyq beıbit bastamalaryn muqııat qarap, áskerı is-qımyldardy toqtatý týraly kelisimge kelý kerek. Sodan keıin terrıtorııalyq máselelerdi talqylaǵan jón. Bizdińshe, Qytaı men Brazılııanyń beıbitshilik jospary qoldaýǵa turarlyq. Memleketter basshylary keledi, ketedi. Al halyq, ásirese kórshiles halyqtar beıbit ári bir-birimen túsinisip ómir súrýi kerek. Qazaqstannyń Reseımen dúnıe júzi boıynsha qurlyqtaǵy eń uzyn shegendelgen shekarasy bar. Bizdiń elderimiz arasyndaǵy yntymaqtastyq strategııalyq seriktestik pen odaqtastyq aıasynda damyp keledi. Qazaqstandyqtar ýkraın halqy men onyń tól mádenıetine shynaıy qurmetpen qaraıdy. Qazaqstan men Ýkraına arasynda eshqandaı kelispeýshilik bolǵan emes. Kıevte Elshiligimiz áli de jumys istep jatyr, – dedi Memleket basshysy.