Ul men qyz tárbıeleıtin ulttyq baǵdarlama qabyldaý kerek – depýtat usynysy

Parlament Májilisiniń depýtaty Ardaq Nazarov elimizde kámeletke tolmaǵandar arasyndaǵy qylmystyń kóbeıip bara jatqanyna alańdap, Úkimetke naqty sharalar qabyldaýdy talap etti. Ol bul máseleni tek quqyqtyq sheńberde emes, qoǵamnyń rýhanı, mádenı daǵdarysy dep baǵalady, dep habarlaıdy Qandastar.kz aqparat portaly.

“Keıingi jyldary elimizde kámeletke tolmaǵandar men jastar arasynda buzaqylyq kóbeıgeni bizdiń qoǵamdy qatty alańdatyp otyr. Bul – tek quqyqtyq másele ǵana emes, bul – búkil qoǵamnyń rýhanı-mádenı ahýalyn, onyń ishinde otbasylyq qundylyq pen mekteptegi tálim-tárbıeniń álsiregenin kórsetetin áleýmettik qubylys”, – dedi ol Premer-Mınıstrdiń orynbasary Ermek Kósherbaevtyń atyna joldaǵan depýtattyq saýalynda.

Depýtat eldi dúrliktirgen birneshe oqıǵany mysalǵa keltirdi:

• Astanada 14 jastaǵy balanyń 5 jastaǵy búldirshinge pyshaq ala júgirgeni;
• Semeıde oqýshylardyń óz qatarlasyn uryp-soqqany túsirilgen vıdeo;
• Jańaózende lıeı oqýshysynyń soqqyǵa jyǵylyp, aýrýhanaǵa túsýi.

Bul oqıǵalar oqshaý emes, jappaı úrdiske aınalyp bara jatqanyn aıtqan Nazarov Bas prokýratýranyń deregin alǵa tartty: 2024 jyly elimizde jasóspirimder tarapynan 1890 qylmys tirkelgen. Bul – kúnine shamamen 5 bala quqyq buzýshylyqqa barady degen sóz.

Nazarov IIM jarııalaǵan «Quqyq buzýshylyqtyń aldyn alý jylyn» quptaǵanymen, másele tek polıııamen sheshilmeıtinin aıtty. Onyń aıtýynsha, qazir ýaqytsha upaı jınaý men kózboıaýshylyq emes, ult bolashaǵyn aıqyndaıtyn naqty baǵdarlama qajet.

Osy oraıda, depýtat Úkimetke tórt naqty usynys joldady:

• Quqyq qorǵaý, bilim jáne áleýmettik qyzmetterdiń baılanysyn kúsheıtý;
• Jasóspirimder qylmysyna qatysty biryńǵaı statıstıka júrgizý;
• Psıhologııalyq jáne áleýmettik qoldaýǵa arnalǵan arnaıy baǵdarlama ázirleý;
• Ul men qyz tárbıesine arnalǵan ulttyq deńgeıdegi keshendi baǵdarlama qabyldaý.

“Urpaq tárbıeleý – ýaqytsha naýqan emes, memlekettiń máńgilik mindeti”, – dedi Ardaq Nazarov.