Ul týmadyń dep tepkiledi: 10 jyl turmystyq zorlyqqa shydaǵan áıel shyndyqty aıtty

Foto: ashyq derekkóz

Aqtaýlyq kelinshek jelide kúıeýiniń soqqylarynan jaǵy qurysyp, sóıleı almaı qalǵanyn málimdep, dabyl qaqty. 10 jyl turmystyq zorlyq-zombylyqqa shydaǵan áıel sońǵy ret zábir kórgen kezde tipti aıaǵy baspaı qalyp, aýrýhanaǵa túsken. Bul týraly qandastar.kz  Stan.kz-ke silteme jasap habarlady. 

6 balanyń anasy Aqsuńqar 18 qyrkúıekte kúıeýiniń soqqysynan aýyr jaǵdaıda aýrýhanaǵa túsken. Sózinshe, er adam ony jazdyq úıge kirgizip, ishten kilttep, aıamaı urǵan.

“Únemi kólikpen problemasy bitpeıdi. Bir kúni jol apatyn jasap, 4 kólikpen soqtyǵysty da, 1 mıllıon qaryzǵa kirdi. Úıge kelip, bar ashýyn menen aldy. Osyndaı jaǵdaıǵa tap bolǵanyna meni kinálap, jazdyq úıge kirgizip alyp, urdy. Qaıyn ápkem men apa kómektese almaı, syrtta esikti túrtip turdy. Meni soqqyǵa jyǵyp jatqanyn qyzdarym da estip, syrtta shyryldap jylap turdy. Biraq olardyń “qoı” degenine qaramaı, urýyn jalǵastyrdy”, – dedi 27 jastaǵy kelinshek.

Aıtýynsha, osydan keıin áıeldiń aıaǵy baspaı, jaǵy qozǵalmaı, bet-aýzy, murny qanap dereý aýrýhanaǵa jetkizilgen. Biraq kúıeýi aýrýhanadaǵylarǵa “qulap qaldy” dep aıtqan, al áıel sol mezette jaǵy qozǵalmaǵasyn til qatpapty. Alaıda qurbysynan kómek surap, jazyp úlgergen.

“Jaǵym aýyryp, 4 kún nár tatpadym. Dárethanaǵa adamdardyń kómegimen baryp júrmin. Urýdyń ádisin de úırenip alǵan. Deneme jaraqat túsip, kógerip qalmasyn dep basym men jaǵymnan ura bergen”, – dedi ol.

Aqsuńqar buǵan deıin de turmystyq zorlyq-zombylyq kórip júrgen. Tipti buryn qolyn syndyrǵan deıdi.

“3 qyzdan keıin ul joq dep shý shyǵarady. Moınyma pyshaq salǵan kúni de boldy. Úıge sol kezde polıııa shaqyrttym, biraq asty-ústime túsip, endi qatalamaımyn degen soń keshirdim. Biraq taǵy qaıtalanyp otyr. Endi keshirmeımin, ajyrasyp, urǵany úshin jazaǵa tartamyn”, – dedi Aqsuńqar.

Odan bólek Aqsuńqardyń bir qyzynyń qulaǵynyń múkistigi bar. Qazir ol qyzynyń otasyna aqsha jınap júr.

Kúıeýiniń ozbyrlyǵynan sharshaǵan kelinshek ádildik suraıdy. Ol aýrýhanaǵa túsken soń polıııaǵa aryz jazdy. Alaıda kúıeýi tergeý ızolıatoryna qamaýǵa alynbapty.

Stan.kz tilshisi Mańǵystaý oblystyq polıııa departamentine saýal joldady.

“Densaýlyqqa qasaqana jeńil zııan keltirý deregi boıynsha qylmystyq is tirkeldi. Polıııa qajetti tergeý amaldaryn jan-jaqty júrgizip jatyr. Bolǵan oqıǵanyń mán-jaıy anyqtalýda. Er adamǵa qatysty «eshqaıda ketpeý» bultartpaý sharasy qoldanyldy. О́zge aqparat tergeý múddesi úshin jarııa etilmeıdi”, – dep málimdedi Mańǵystaý oblystyq polıııa departamentiniń baspasóz qyzmeti.