«Ul týyp ber» dep kelinshegin óltirip tyndy»: boıjetken ápkesiniń ólimine jezdesin kinálady

Sýret: gorsovet.com.ua

Dárigerler endi bala kóterse ómiri qyl ústinde bolatynyn da aıtqan eken. Áıelin kúıeýi ul týyp ber dep, sońynda óltirip tynǵan. Bul týraly marqumnyń sińlisi baıandady, dep habarlaıdy KYN.KZ aqparat agenttigi Oinet.kz saıtyna silteme jasap.

«Ul turmaq bir sábıge zar bop júrgenderdiń qatary kóbeıip jatqanda 4 birdeı qyzdy mensinbeı «ul kerek» dep kergıtinderdi túsinbeı-aq qoıdym. Ápkem sondaı túsinigi taıaz jezdemniń talabynyń qurbany boldy…», – deıdi ol kózine jas alyp.

Aıtýynsha, turmysqa shyqqan úlken ápkesine dárigerger úsh baladan soń-aq bala týýǵa qarsy bolǵan.

«Úshinshi qyzyn týǵanda qan qysymy qatty kóterilip ketip, bir aıdaı aýrýhanada jatty. Odan áke-sheshem úıge ákelip qansha emdetti. О́ıtkeni ózine kútim jasaýǵa úıinde jaǵdaıy joq bolatyn. Enesi men atasy bar, kúıeýiniń ózine bir adam kerek. Úsh qyzyna qarasý úshin anam meni jiberdi. Sol kezde ápkemniń qandaı qıyn jaǵdaıda júrgenin kórip qatty aıap, úıge aıtyp kelgenimde meni eshkim tyńdamap edi.  Ne istese de jaqtyrmaıtyn qabaǵy tyrysqan enesi, urysy ómiri taýsylmaıtyn atasy, olardyń qabaǵyn kórip bárin úıde otyrǵan ápkemnen kóretin, qıt etse urys shyǵaratyn kúıeýi turǵanda saý adamnyń da qan qysymy kóterilip ketetin shyǵar. Ata men áje degen nemerelerin ortalaryna alyp, qolynan ustap jetektep ertip júretin meıirban jandar edi meniń túsinigimde. Men ol úıde úsh aı jatyp nemeresin ıiskegen ata men áje kórmedim. Qıt etse «óshir ana jalmaýyzdyń únin, ómiri únderi óshpeıdi, qashan tamaqqa toıady bular» degen ǵana sózder estidim aýyzdarynan. Olarǵa qarap jıenderime meniń janym ashıtyn. Bir-eki ret qudaǵıǵa «nege urasyz, bala ǵoı» dep arashalap qalǵanymda ápkem úndemeı jylap qalǵan. Al enesi keshke balasyna aıtty. «Qudasha bıligin júrgize bastady ǵoı myna úıge! Bir kúni shyǵyńdar dep otyrmasyn, áıteýir» degen kúnniń erteńine ápkemniń kózi isip turdy. Ábden jylaǵany belgili edi. Sońynda shydaı almaı ketip qaldym», – deıdi avtor.

Úsh qyzdan keıin bala týýǵa bolmaıtyn áıel taǵy da qursaq kótergen. Alaıda, ómirge sábı ákelmesten kóz jumǵan.

«Áke-shesheme aıtyp kelgenimde «úı bolý ońaı emes qoı, qaıtesiń, aralaspa» degen kúıi qalǵan. Sol ápkem kútinbeı taǵy bir qyz týyp aldy. Ony perzenthanadan shyǵarýǵa kúıeýi kelmedi de. «Ul týmadyń» dep renjip jatqan túri eken. Ákem ashýlanyp baryp úıindegi úsh qyzyn da alyp keldi. «Meniń qyzym kerek bolmasa, ol týǵan qyzdardy qaıteıin dep ediń?» dep ursyp ketipti. Ápkem kishi qyzymen ábden qyrqynan shyǵyp, densaýlyǵy túzelgende baryp kelip keshirim surap alyp ketken. Biraq adam ózgermeıdi eken. «Jezde» degim kelmeıdi… Kúıeýi ul týyp ber dep qoımapty. Al dárigerler endi bala kóterse ómiri qyl ústinde bolatynyn da aıtqan eken. Biraq qoısyn ba, «qudaı saqtasyn, dárigerler ottaı beredi» dep qoımaǵan. Ony úlken qyzy anasyn joqtap qyryq kúndik asynda jylaǵanda aıtyp saldy bárin.  «Mamam bolmaıdy dese de apam men papam qoımady ǵoı. Bizge bala emes mamam kerek edi. Oǵan dárigerler bolmaıdy týýǵa dep aıtqan. «Jaman áıel qyz týady» dep apam da aıta berdi. «Ul kerek» dep papam da qoımady… Sosyn ǵoı mamamnyń ólip qalǵany…» dep jylaǵanda asqa jınalǵannyń kózine jas almaǵany bolmaǵan shyǵar. Sondaǵy enesiniń sózi ne boldy deseńizshi?! «Bala degen ottaı beredi eken-aý, men sap berippin ba sonyń ishine balany?» degende aıtýǵa sóz tappadyq. 8-synyp oqıtyn qyz búginde bárin biledi, túsinedi emes pe?! Ol mundaı áńgimeni oıdan shyǵarmasa kerek. Men ózim de «ul týyp berseıshi maǵan» dep eki kúnniń birinde aıtatynyn talaı óz qulaǵymmen esittim emes pe?  Sodan keıin jezdemdi kórgim kelmeıdi. Ápkemniń qyzdary úıge jıi keledi, shetinen boıjetip kele jatyr. Ákesimen turǵysy kelmeıtinderin sezemiz. Uzaǵyraq júrip qalǵanda ákeleri kep alyp ketedi. Sondaıda jek kórip qaraıtynymyzdy sezedi, úıge kirmeı dalada kútip turady. Eger ol «ul-ul» dep qylqyldamaı der kezinde emdetip, «maǵan qyzdarymnyń anasy kerek» degende qazir baýyryp ortamyzda júrer edi. Ápkemniń qyzdaryn kórsem týra ózin kórgendeı ishim eljirep ketedi qazir… , – degen ol taǵy da kóz jasyna erik berdi.  «Bul qazaq qashan qyzdy adam ornyna sanap úırener eken?!», – degen aщy ókpesin de jetkizdi boıjetken…