قارجى جانە تولەمدەر
ۇلتتىق ەكونوميكا مينيسترلىگىندە اۋىس-ءتۇيىس ورىن الدى
فوتو: ۇكىمەت
مەملەكەت باسشىسى قاسىم-جومارت توقاەۆ 21 جەلتوقساندا سەرىك جۇمانعاريندى قازاقستان رەسپۋبليكاسى پرەمەر-ءمينيسترىنىڭ ورىنباسارى – ۇلتتىق ەكونوميكا ءمينيسترى ەتىپ تاعايىندادى, دەپ حابارلايدى qandastar.kz
«مەملەكەت باسشىسىنىڭ جارلىعىمەن سەرىك ماقاش ۇلى جۇمانعارين قازاقستان رەسپۋبليكاسى پرەمەر-ءمينيسترىنىڭ ورىنباسارى – ۇلتتىق ەكونوميكا ءمينيسترى بولىپ تاعايىندالدى», دەلىنگەن اقوردا جاريالاعان جارلىق ماتىنىندە.
Cونداي-اق 21 جەلتوقساندا قر پارلامەنتى ءماجىلىسىنىڭ ەكونوميكالىق رەفورما جانە وڭىرلىك دامۋ كوميتەتىنىڭ وتىرىسىندا قازاقستان رەسپۋبليكاسى پرەمەر-ءمينيسترىنىڭ ورىنباسارى – ۇلتتىق ەكونوميكا ءمينيسترى لاۋازىمىنا سەرىك ماقاش ۇلى جۇمانعاريننىڭ كانديداتۋراسى كەلىسىلگەنى بەلگىلى بولدى.
سەرىك جۇمانعارين 2024 جىلعى 6 اقپاندا مەملەكەت باسشىسىنىڭ جارلىعىمەن قازاقستان رەسپۋبليكاسى پرەمەر-ءمينيسترىنىڭ ورىنباسارى بولىپ تاعايىندالعان ەدى. ەندى ول وسى لاۋازىمەن قوسا ۇلتتىق ەكونوميكا ءمينيسترى قىزمەتىن قوسا الىپ جۇرەتىن بولدى.
