جاڭالىقتار
ۇلتتىق قاۋىپسىزدىك كوميتەتى قىزىلوردالىق ەكى پوليتسەيگە قاتىستى قىلمىستىق ءىس قوزعادى
فوتو: اشىش دەرەككوز
ۇلتتىق قاۋىپسىزدىك كوميتەتى (ۇقك) قىزىلوردا وبلىسىنداعى ەكى پوليتسەيگە قاتىستى قىلمىستىق ءىس قوزعادى. بۇل تۋرالى Stan.kz اقپارات اگەنتتىگى حابارلايدى.
قىزىلوردا وبلىسىنىڭ پروكۋراتۋراسى ءىستىڭ سىبايلاس جەمقورلىق قىلمىس جاساۋ فاكتىسى بويىنشا تىركەلگەنىن جەتكىزدى.
“19 ماۋسىمدا ۇقك قىزىلوردا وبلىسى جانە بايقوڭىر قالاسى بويىنشا سىبايلاس جەمقورلىق قىلمىس جاساۋ فاكتىسى بويىنشا ت.ن قارماقشى اۋدانى پوليتسيا ءبولىمىنىڭ كوشى-قون قىزمەتىنىڭ قىزمەتكەرى جانە ج.ك ۋچاسكەلىك پوليتسيا ينسپەكتورى ۇستالدى. 21 ماۋسىمدا تەرگەۋ سوتى كۇدىكتىلەرگە قاتىستى ۇيقاماق تۇرىندەگى بۇلتارتپاۋ شاراسىنا سانكتسيا بەردى. قازىر قىلمىستىق ءىس قارماقشى اۋداندىق سوتىنا قاراۋعا بەرىلدى», – دەلىنگەن حابارلامادا.
قىزىلوردا وبلىسى قارماقشى اۋدانى پوليتسيا ءبولىمىنىڭ قىزمەتكەرلەرى سىبايلاس جەمقورلىققا قاتىستى كۇدىكپەن ۇستالعانى تۋرالى اقپارات بۇرىن دا تارالعان ەدى.
«كۇدىكتىلەر ۋچاسكەلىك ينسپەكتور جانە جەرگىلىكتى كوشى-قون پوليتسياسىنىڭ ينسپەكتورى بولىپ شىقتى», – دەلىنگەن حابارلامادا.
