«ۇلتتىق قۇندىلىق – ۇلتتىڭ قازىناسى» جوباسى ىسكە اسادى

ماڭعىستاۋدا  ۇلتتىق قۇندىلىق – ۇلتتىڭ قازىناسى» جوباسى ىسكە اسادى. جوبا اياسىندا جاستارعا ۇلتتىق قۇندىلىقتاردى ناسيحاتتاۋعا باعىتتالعان زياتكەرلىك, مادەني-سپورتتىق ءىس-شارالار ۇيىمداستىرىلادى, – دەپ حابارلايدى «جەتى جۇرت» قب ءباسپاسوز قىزمەتى.

جوبانى «جەتى جۇرت» قوعامدىق بىرلەستىگى ماڭعىستاۋ وبلىستىق جاستار ساياساتى ماسەلەلەرى جونىندەگى باسقارماسىنىڭ تاپسىرىسىمەن «ازاماتتىق باستامالاردى قولداۋ ورتالىعىنىڭ» قولداۋىمەن ورىندايدى.

جوبا جەتەكشىسى گۇلناز بايمۋرزاەۆانىڭ ايتۋىنشا, نەگىزگى ماقسات – جاستار اراسىندا ۇلتتىق ويىنداردى ۇيىمداستىرۋ ءتارتىبىن جۇيەلەپ, جاستاردىڭ بوس ۋاقىتىن ءتيىمدى وتكىزۋ. ۇلتتىق بىرەگەيلىكتى ساقتاۋ, ايماقتاعى زيالى قاۋىم وكىلدەرىمەن بىرگە جاستار اراسىندا كەشەندى اعارتۋشىلىق جۇمىستاردى ۇيىمداستىرۋ.

– جوباعا اقتاۋ, جاڭاوزەن, بەينەۋ, قاراقيا, ماڭعىستاۋ, مۇنايلى, تۇپقاراعان مەكتەپتەرىندەگى وقۋشىلار, ستۋدەنتتەر قاتىسا الادى. جوبا بارىسىندا 9-10-11-سىنىپ وقۋشىلارى اراسىندا كلاسسيكالىق جەكەلەي توعىزقۇمالاقتان اشىق چەمپيونات بىرىنشىلىگى جانە «اsyq Battle» اشىق چەمپيوناتى وتەدى. اقتاۋ جانە جاڭاوزەن قالالارىندا ءداستۇرلى ساداق اتۋدان اشىق تۋرنير وتكىزىلەدى,. بۇدان بولەك ۇلتتىق اسپاپتى كوپكە ناسيحاتتاۋ باعىتىندا اقتاۋ جانە جاڭاوزەن قالالارىندا 5 مادەني كەش ۇيىمداستىرىلادى, – دەيدى جوبا جەتەكشىسى گۇلناز بايمۋرزاەۆا.

سونىمەن قاتار وڭىردەگى زيالى قاۋىم وكىلدەرىنىڭ قاتىسۋمەن القالى كەڭەس وتىرىسىن وتكىزۋ جوسپارلانىپ وتىر. اتالعان جوبا قاراشا ايىنا دەيىن جالعاسادى.