Ulttyq quryltaıdyń IV otyrysy: birinshi kúngi talqylaýlar men kóterilgen máseleler

Eki kúndik kezdesýde quryltaı músheleri eldiń damý baǵytyn aıqyndaıtyn ózekti máselelerdi talqylaıdy.

Is-sharanyń birinshi kúninde ótken sekııalardyń taqyryptary:

• Azamattyq qoǵam;
• Mádenıet. О́ner. Rýhanııat;
• Bilim jáne ǵylym;
• Áleýmettik-ekonomıkalyq damý.

«Azamattyq qoǵam» sekııasyna QR Prezıdentiniń ishki saıasat jáne kommýnıkaııalar máseleleri jónindegi kómekshisi Arman Qyryqbaev tóraǵalyq etti.  Oǵan qatysýshylar zań ústemdigi, halyqtyń quqyqtyq saýaty, áskerdegi álimjettik, ekologııalyq mádenıet jáne til men din máselesin qozǵap, azamattyq qoǵam ınstıtýttarynyń rólin nyǵaıtýǵa qatysty usynystaryn ortaǵa saldy.

Atalǵan talqylaý alańynda quryltaı músheleri ıdeologııa isine qatysty pikirlerin ortaǵa saldy. Atap aıtsaq, otbasy qundylyqtaryn nyǵaıtý, qazaqsha kontentti damytyp, tilimizdiń qoldaný aıasyn keńeıtý, eldegi tarıhı-mádenı nysandardy qorǵaý, óńirlerdegi qalamgerlerdiń shyǵarmashylyǵyn nasıhattaý jáne baspa isin júıeleý týraly keleli usynystar aıtyldy.

Ulttyq quryltaıdyń «Bilim jáne ǵylym» atty úshinshi sekııasynyń moderatory — Ǵylym jáne joǵary bilim mınıstri Saıasat Nurbek. Oǵan qatysýshylar bilim berý salasyndaǵy reformalardy jetildirý, JOO-lardaǵy kadr tapshylyǵy máselesin joıý, óńirlik ǵylym ortalyqtaryn damytý jáne Ǵylym akademııasynyń jumysyn jandandyrý jaıyn talqylady. Odan bólek, qazaq tilin zamanaýı ǵylym tiline aınaldyryp, termınderdi birizdendirý jóninde de birqatar usynys aıtyldy.

Ulttyq quryltaıdyń búgingi jıynyn «Áleýmettik-ekonomıkalyq damý»  sekııasy qorytyndylady. Atalǵan taqyryp talqysynyń moderatory Premer-mınıstrdiń orynbasary Serik Jumanǵarın boldy.

Zakon.kz jazǵandaı, bul talqylaý alańynda quryltaı músheleri qosymsha qun salyǵyna qatysty suraqtardy talqylady. Sondaı-aq otandyq óndiristi ulǵaıtý, eńbek qaýipsizdigin kúsheıtý jáne shıkizat óndirisin damytý joldary týraly usynystaryn ortaǵa saldy.

Buǵan deıin Mádenıet jáne aqparat mınıstri Aıda Balaevanyń quryltaıdyń 100-den astam múshesi túrli talqylaýlarǵa qatysyp, kúnniń birinshi jartysynda áleýmettik-ekonomıkalyq damýdan bastap óskeleń urpaqty tárbıeleýge deıingi kóptegen máselelerdi qozǵaıtyn 120 usynys engizdi.