جاڭالىقتار
«ۇلتىم باسقا بولعانىمەن, جۇرەگىم قازاق»: وزگە ۇلت وكىلدەرى قازاقتارعا ءتان قانداي قۇندىلىقتاردى ۇلىقتايتىنىن ايتتى
قازاقستاندا تۇراتىن وزگە ەتنوس وكىلدەرى حالقىمىزدىڭ قۇندىلىعىن ءسىڭىرىپ, وزدەرىن ناعىز قازاق سەزىنەدى. قازاقستاندىق كارىس, ورىس جانە وزبەك جىگىتتەرى.
ۆلاديمير چەپەل – اسسامبلەيانىڭ بەلسەندى مۇشەسى. ۇلتى ورىس بولعانىمەن, جۇرەگى قازاق دەپ سوعاتىن 30 جاستاعى ازامات الماتى وبلىسى, اقسۋ اۋدانى قاپال اۋىلدىق وكرۋگى اكىم اپپاراتىنىڭ باس مامانى بولىپ جۇمىس ىستەيدى. 2017 جىلدان باستاپ الماتى وبلىسى قازاقستان حالقى اسسامبلەياسىنىڭ ەتنومادەني بىرلەستىكتەرىنىڭ جاس وكىلدەرى اراسىندا مەملەكەتتىك ءتىلدى وقىتۋ ورتالىعىندا قازاق ءتىلىن مەڭگەرەم دەۋشىلەرگە كومەكتەسەدى.
ونىڭ ايتۋىنشا, قازاق حالقىنىڭ ۇلكەندەرگە قۇرمەت كورسەتۋى ونى باسقا ۇلتتاردان ەرەكشە ەتەدى. قازاقتارمەن ەتەنە بايلانىسى وسى قۇندىلىقتى دامىتتى دەيدى.
